Törek matbuğatına küzätü 15.05.2017

 “Xörriyät” gazetı “Berlektäş bulmasaq üz êşebezne üzebez xäl itärbez” isemle xäbärendä  Törkiyä ilbaşı Räcäp Tayyip Ärdoğannıň  Amerika Quşma Ştatları ilbaşı Donal’d Tramp belän küreşer aldınnan möhim belderülär yasawı turında yaza.

Xäbärdän kürengänçä, Ärdoğan “Ägär strategik berlektäş ikänbez ,ittifaq êçendä qarar qabul itü zarur” dide. Ärdoğan “PKK”nıň Süriyädäge törkeme “YPG”gä dä,”PYD”gä moxtac bulmawların, alarnıň terror oyışması buluın belderde. Törkiyä ilbaşı “DEAŞ” terror oyışmasına qarşı köräş öçen “YPG” belän xezmättäşlek şartınıň nigezdä koaliŝiyäneň häm AQŞnıň abruyın yuqqa çığaruın citkerde.

”Star” gazetı “Awrupa Berlegeneň Törkiyägä basımı ışana torğan tügel” isemle xäbärendä 9 nçı Xalıqara TRT dokumental’ fil’m büläkläreneň açılışında kürsätelgän “Franŝuz bula almayaçaq qadär qara tänle” isemle fil’mneň rejisserrı Valerie Osoufnıň fil’mne kürsäter aldınnan iğ’tibarnı cälep itüçe süzlär äytüen belderä.

 Gazet yazuınça, Osouf tübändägeçä citkerde:” Törkiyä mädäni törlelege cähätennän iskitkeç ürnäk bulıp tora. Franŝiya çik buyı qapqasına kilgän 70 meň keşegä üz işeklären açmağanda Törkiyä 4 million qaçaqnı sıyındırdı. Awrupa Berlege Törkiyägä bik köçle basım yasıy. Minem ilem kebek illär keşelärgä sabaq birälär, ämma bu  qimmätlärne üzläre ütämilär. Bezneň prem’yer-ministr 24 meň qaçaqnı qabul itü turında süz alıp bara. Bu nigezdä küp närsä aňlata”.

”Sabah” gazetı “Törkiyäne bik yarattım” isemle xäbärendä Gollivud yoldızı Oskar büläge iyäse Nicole Kidmannıň Muğlanıň Bodrum ilçäsendä ber qunaqxanä açılışında qatnaşuın xäbär itä.

Xäbärdän kürengänçä, Kidman açılışta yasağan çığışında “İlegezne bik oşattım. Başqa waqıtta ğailäm belän kilergä telim”dide. Açılış öçen dönyanıň törle poçmaqlarınnan kilgän 400 çaqırulı qunaq arasında Dubai häm Soğud Ğaräbstanı belän berrättän AQŞ, Rusiya, Germaniya häm Angliya kino dönyasınıň tanılğan citäkçeläre, sänğät’çelär dä bar ide.

 “Xäbär Türk” gazetı “Ğaräp turistlar sanı 3 millionğa citte” isemle xäbärendä Törkiyä belän ğaräp illäre arasında soňğı yıllarda turizm tarmağında başqarılğan xezmättäşlekneň näticäläre kürenä başlawın uquçıları belän urtaqlaşa.

 Ädirnägä kilgän ğaräp turizm oyışması başlığı doktor Bandar Bin Fahd Al Fuhaid “2016 nçı yıldan başlap Ğaräp ilärennän Törkiyägä kilgän turist sanı 3 millionğa citte. Turistlarnıň diňgez turizmı belän belän bergä tarixi şähärlägä dä östenlek birüen beldergän Al Fuhaid cäyen Törkiyägä kiläçäk ğaräp turist sanınıň arta alaçağın da belderde.

“Vatan” gazetı “Vakıfbank” - dönyanıň iň zur komandası” isemle xäbärendä Yaponiyanıň Kobe qalasında ütkärelgän xatın – qızlar  dönya klubları voleybol çempionatı finalında turnirda çempionnar ligası çempionı bularaq qatnaşqan “Vakıfbank” komandasın Braziliyanıň “Rexona Sesc” komandasın 3-0 isäbe belän otıp ciňügä ireşüen citkerä.

2013 nçe yıldan birle 2 nçe tapqır ciňügä ireşkän komanda 7 nçe xalıqara kuboğına iyä buldı.