Törek matbuğatına küzätü 04.05.2017

“Xäbärtürk” gazetı “Rusiyä turistlarınıñ öçtä berse Törkiyäne sayladı” dip atalğan yazmasında Törkiyä-Rusiyä mönäsäbätläreneñ här ölkädä tizlänüen assızıqlap äytep uza:

“İlbaşı Räcäp Tayyip Ärdoğannıñ Rusiyä säfärendä Süriyä, terrorçılıq, iqtisad, êksporttağı kirtälärneñ beterelüe, Törkiyädä atom-töş stanśiyäläreneñ salınuı, turizm häm tağın şaqtıy mäs’älä quzğatıldı”

“Watan” gazetı “Törkiyä-Rusiyä urtaq qoral proyektı” isemle yazmasında Törkiyä belän Rusiyäneñ här ölkädä mönäsäbätlären arttıruınıñ xärbi ölkädä dä çağılış tabuın yaza.

“Yäni Şafak” gazetı “Törkiyä iminlek bülekçäsenä yasalğan höcümne çit il terrorçıları yasağan” dip atalğan yazmasında Törek qorallı köçläreneñ Ğiraqnıñ tön’yağındağı Sincar tawı häm Süriyäneñ tön’yaq-könçığışındağı Qaraçok tawı töbäklärendä uzğan atnada oyıştırğan häm 200dän kübräk terrorçı täêsirsez xälgä kiterelgän hawa höcümnärennän soñ Törkiyägä yasalğan höcüm belän bäyle möhim neçkäleklärneñ bilgelänelüen xäbär itä:

“Sabah” gazetı “Terrorçılar qurqıp qaldı” isemle yazmasında Törkiyä täêsirsez xälgä kitergän “PKK” separatist terror oyışmasınıñ Süriyädäge däwamı “YPG”neñ Amerikan, Rusiyä häm Süriyä rejim bayraqlarına sıyınuın belderä.

“Star” gazetı “Mäkerle plan bilgele buldı” dip atalğan yazmasında Germaniyanıñ “BND” yäşeren küzläw oyışması äğzase Franco A.nıñ Süriyäle qaçaqlar qıyäfäte belän totqarşanuın xäbär itä.