Törek matbuğatına küzätü 02.05.2017

“Xäbär Türk” gazetı “İlbaşı Ärdoğan 100 aqıllı şähär proyektında urın alırğa äzer buluların belderde” isemle xäbärendä Törkiyä ilbaşı Räcäp Tayyip Ärdoğannıň Hindıstan başqalası Yaňa Dählidä Törkiyä – Hindıstan Êş forumında yasağan çığışında törek podryadçiklar firmalarınıň Hindıstandağı 100 aqıllı şähär proyektında urın alırğa äzer buluları turında äytüen citkerä.

Hindıstan prem’yer-ministrı Narendra Modi da 15 million yort tözeläçägen belderep, törek şirkätläreneň dä bu barışta qatnaşa alaçağın belderde.

”Xörriyät” gazetı “Törkiyäneň êksport kürsätkeçläre aprel’ ayında 4 %qa arttı” isemle yazmasında Törkiyä êksportınıň 2017 nçe yılnı yaxşı başlap cibärüen xäbär itä.

Törkiyä êksportçılar assambleyası mäğ’lümatlarına kürä, ağımdağı yılnıň aprel’ ayında êksport uzğan yılnıň şul uq ayı belän çağıştırğanda 4%qa artııp 11 milliard 866 million dollarğa citte. 2017 nçe yılnıň berençe 4 ayında êskport artışı 6,6% täşkil itte.12 aylıq êksportta da uzğan yılğa qarağanda 4% artış bar.  

”Sabah” gazetı “PKK” terror oyışmasına quşılu tuqtaldı” isemle xäbärendä küzläw oyışması xisabınıň “PKK” separatist terror oyışmasınıň ciňelü - panikasın bik açıq räweştä kürsätüe turında yaza.

Gazet yazuınça, iminlek köçläre soňğı däwerdä küp sanda operaŝiya oyıştırdı. Höcümnär belän “PKK” terror oyışmasına zur zıyan saldı.21 ayda 12 meň 636 terrorçı täêsirsez xälgä kiterelde. Operaŝiyälär näticäsendä Kandil belän şähär arasında bäyläneş özelgäç terror oyışması keşe taba almıy başladı. Soňğı 3 ayda  oyışmağa barı tik 5 keşe quşılğan. Hawa operŝiyälärendä terrorçılarnıň sıyınu urınnarı yuqqa çığarıldı häm alarğa yäşerener urın qalmadı.  

”Vatan” gazetı “Robotçı töreklärne 68 universitet teli” isemle xäbärendä Amerika Quşma Ştatlarındağı robot bäygesenda ber-ber artlı büläklärgä iyä bulğan häm dönya külämendä öçençe urınğa layıq bulıp Törkiyägä qaytqan “INTEGRA 3646” komandasındağı liŝey uquçılarına dönyaküläm tanılğan 68 universitetnıň stipendiya täq’dim itüen uquçıları belän urtaqlaşa.

 Xäbärdän kürengänça, bıyıl Amerika Quşma Ştatlarında ütkärelgän Bötendönya robot çempionatında 4 meň komanda arasında öçençe urınğa iyä bulğan Törkiyä komandası äğzaları uquların çit ildä däwam itteräçäk.

”Star” gazetı “Oçqıçta planşet  tıyuına kabel’sez çişeleş” isemle xäbärendä Amerika Quşma Ştatları häm Angliyaneň oçqıçta êlektron cihaz tıyuına qarşı Törek Hawa Yullarınıň nootbuk häm tüläwsez internetına östämä bularaq “HAVELSAN” häm THY texniknıň da êşkä kereşüen citkerä.