Törek matbuğatına küzätü 28.04.2017

“Sabah” gazetı “Referendumnıñ tögäl näticäläre” isemle xäbärendä Yuğarı saylaw şurasınıñ 16nçı aprel’ könne ütkärelgän referendumnıñ tögäl räsmi näticälären citkerüen yaza.

Xäbärgä kürä watandaşlarnıñ 51,41%ı uñay, 48,59%ı tiskäre tawış birde. Uñay tawış birüçelär - 25 million 157 meñ 463, tiskäre tawış birüçelär isä - 23 million 779 meñ 141.

“Star” gazetı “Yaña Törkiyä öçen berençe adım” isemle xäbärendä ilbaşı idaräse sistemasın kiterüçe referendumnan soñ zur üzgäreşneñ başlanuın citkerä.

Gazet yazuınça Ğadälät häm qalqınu partiyasendä oyışmalarğa 21nçe may könne ğadättän tış kongress öçen äzerlänü boyırığı birelde. İlbaşı Ärdoğan 3-5 yıldan soñ Ğadälät häm qalqınu partiyase ğomüm başlığı wazifasın üz östenä alaçaq.

“Xäbär türk” gazetı “Awrupa yasağannarına ükenäçäk” isemle yazmasında Törkiyäneñ tışqı êşlär ministrı Mävlüt Çavuşoğlunıñ Awrupa Şurası Parlamentariy Mäcleseneñ Törkiyäne tikşerü astına alu qararınnan soñ qullanılaçaq çikläwlärne açıqlawın citkerä.

Xäbärdän kürengänçä Çavuşoğlu Awrupa Şurası Parlamentariy Mäclese byudjetına iñ küp öleş kertkän illärdän berseneñ Törkiä buluın belderep: “Anı töşeräçäkbez, minimum tüläw başqaraçaqbız. Êlekke xezmättäşlek kürä almayaçaqlar, ükenäçäklär,” – dide.

Gazet yazuınça Törkiyä uzğan yılnı 33 million yevrlık yärdäm kürsätkän ide.

“Yäni “Şafak” gazetı “PYD ülemnän qurqa başladı” isemle xäbärendä Törkiyäneñ Färat qalqanı operaśiyasennän soñ separatist PKK terror oyışması häm anıñ Süriyädäge törkeme PYDneñ panikağa birelüen yaza.

Xäbärgä kürä AQŞ räislegendäge “DEAŞ” terror oyışmasına qarşı xalıqara koaliśiyane Törkiyägä qomaçawlarğa çaqırğan terror oyışması Amerikan ğaskärilär belän töşkän video yazmadan soñ xalıqara cämäğatçelekkä oyat xis toyğısın alıp kilde.

Gazet yazuınça PYD Törkiyäneñ yaña operaśiya kötkännärenä qarşı soñğı çığu yulı bularaq oçışqa tıyılğan imin töbäk diplomatiyasen başlattı.

“Xörriyät” gazetı “Maqsatıbız urtaq” isemle yazmasında Amerika Quşma Ştatları Ênergetika ministrı Rik Perrinıñ Atlantik şurası İstanbul oçraşuı 2017dä yasağan çığışında Törkiyäneñ möhim ênergiya transfer ile buluın äytüen uquçıları belän urtaqlaşa.

Xäbärdä Perrinıñ tübändäge süzläre urın ala: “AQŞ Törkiyä belän şaqtıy ölkädä xezmättäşlek başqaru belän ğorurlana. Yaxşı säwdä partnerı bez, NATO berlektäşe häm tağın da möhime – duşlar. Bez Törkiyäne töbäk öçen möhim ênergetika säwdä üzäge bularaq kürüne däwam itteräçäkbez. Yaqın êşçänlekkä däwam itäçäkbez, çönki yaqtı kiläçäk öçen urtaq maqsatlarıbız bar.”