Törek matbuğatına küzätü 18.04.2017

 “Xäbär Türk” gazetı “2019 nçı yılnıň noyabrenä işarät” isemle xäbärendä Törkiyä ilbaşı Räcäp Tayyip Ärdoğannıň referendum näticäläreneň 2019 nçı yılda ütkäreläçäk saylaw öçen işarät buluı turında äytüen citkerä.

Xäbärdän kürengänçä, Ärdoğan möhim adımnar yasalaçağın belderep, matdi yünäleştä asqorma häm ösqora investiŝiyäläre belän bäyle êşlär başqarılaçağın, şulay uq äxlaq yünäleşendä möhim adımnar yasalaçağın äytte.

”Sabah” gazetı “Terrorğa kiçü yuq” isemle xäbärendä Törkiyä ilbaşı Räcäp Tayyip Ärdoğannıň Könbatış dönyasın terrordan waz kiçärgä çaquruı turında yaza.

Gazet yazuınça, qayber könbatış illäreneň Süriyädä terror oyışmalarına yaqlaw kürsätep Törkiyägä qarata doşmanlıqların açıq räweştä iğ’lan itüdän qıyınsınmawların beldergän Ärdoğan “Törkiya çik buylarında terror oyışmalarınıň urnaşuına röxsät birmäyäçäk”dide. İlbaşı “Färat qalqanı” xäräkäteneň Törkiyäneň soňğı xäräkäte tügel, täwge operaŝiyäse buluın xäterlätte.

”Yäni Şafak” gazetı “Böten dönya näticälärgä xörmät kürsätergä tiyeş” isemle xäbärendä 16 nçı aprel’dä Törkiyädä ütkärelgän referendum näticäläre belän bäyle kürşe çiktäş illärneň Törkiyäne xuplawların uquçıları belän urtaqlaşa.

 Xäbärdän kürengänçä, Rusiyädän yasalğan belderüdä Kreml’ süzçese Dmiriy Peskov törek xalqınıň referendum qararına härkemneň xörmät belän qarawı kiräklegen belderde.

 Greŝiya xökümäte dä törek xalqı qararın xörmät itüen citkerde. İran tışqı êşlär ministrlığı süzçese Bähram Kasımi “Törkiyä xalqınıň küpçelege qabul itkän qararnı xörmät itäbez”dide.

”Star” gazetı “Çit il investorı êşkä kereşä” isemle yazmasında Törkiyädä ütkärelgän referendumdağı uňay näticäneň küçmäs milek tarmağın da canlandıruı kötelä dip yaza.

Gazet yazuınça, tarmaq wäkilläre ayıruça çit il keşeläreneň kiläse däwerdä Törkiyädä toraq investiŝiyälären arttıraçağın äytä. Küçmäs milek tarmağı wäkilläre “Xäzer toraq satıp alu öçen bik uňaylı waqıt. Bäyälär yaraqlı, proŝentlar tübän”dip bu bazarnıň bik populyar buluın belderä. 19-21 nçe aprel’ könnärendä ütkäreläçäk Expo Turkey By Qatar yärminkäse dä Törkiyädä toraq satıp alırğa telägän Farsı qultığı kapitalı öçen citdi potenŝial barlıqqa kiteräçäk.

“Vatan” gazetınıň “Bazarlar xäräkätlände” isemle xäbärennän kürengänçä, Törkiyädä referendum uzdı, dollar uňay näticäne töşü belän qarşı aldı. Proŝentlar da töşä başladı. Törek lirasındağı barlıqlarda uňay torış küzätelä. İstanbul birjası iğitibar cälep itüne däwam itterä. Belgeçlär iqtisadta uňay işarätlär buluın häm çit il investorları öçen olı forsatlar tuaçağın belderä.