Törek matbuğatına küzätü 14.04.2017
14nçe aprel' könne basılıp çıqqan qayber törek gazetlarına küzätü
“Yäni Şafak” gazetı “Dönyağa cawap bulaçaq” isemle xäbärendä Törkiyä ilbaşı Ärdoğannıñ Awrupadağı Törkiyägä qarşı kampaniyalärne xäterlätep, watandaşalr 16nçı aprel’ könne biräçäk cawapnıñ milli genä tügel, ä xalıqara da bulacağın äytüen yaza.
Xäbärgä kürä Törkiyä ilbaşı tübändägeçä citkerde: “Küp sanda uñay tawışlar birelgäç Awrupa Berlege belän östäl artına utıraçaqbız. 54 yıl buyı köttek, monnan son waqıtıbız yuq. Qararığıznı biregez dip äytäçäkbez.”
“Star” gazetı “Pentagonda räsmi tantana belän qarşılandı” isemle yamzasında Törkiyäneñ Milli saqlanu ministrı Fikri Işıknıñ Amerikan xezmättäşe Djim Mêttis tarafınnan Saqlanu ministrlığı Pentagonda räsmi tantana belän qarşı alınuın citkerä.
Xäbärgä kürä ministr Işık söyläşü başında AQŞnıñ Äsäd rejimı qulındağı Şayrat hawa bazasına ut açuına uñay qarawların belderde. Mêttis ta urtaq xezmättäşlekkä basım yasap: “Koalisiya Adanadağı İncirlik bazasınnan oyıştırğan hawadan operaśiyalär häm qıyu Törek köçläreneñ Färat qalqanı operaśiyase belän çikne “DEAŞ” terror oyışmasına yabuı ike ilneñ dä bu operaśiyadä östenleklären kürsätep tora,” – digän.
“Xäbär türk” gazetı “Räxmät häm qaytu” isemle xäbärendä Färat qalqanı operaśiyase belän terrorçılıqatan çistartılğan Süriyäneñ Azäz, Cärablus häm Äl Bab ilçälärenä Törkiyädän qaytularnıñ başlanuın yaza. Gazet yazuınça 5 ayda Gaziantäptän 30 meñ Süriyäle öyenä qayttı. Karkamış çik buyı qapqasında öygä qaytu öçen çirat kötkän Süriyälelär: “Törkiyädä üz öyebezdäge kebek buldıq,” – dide.
Xäbärdän kürengänçä Süriyäle Möxämmäd Xäsän dä tübändägeçä citkerde: “Allahı Täğalä Törkiyädän razıy bulsın, ikmägen aşadıq, balalarıbıznı monda üsterdek. Här xezmättän faydalandıq. Awrupağa barırğa ber dä uylamadım. Ber könne tuğan yaqqa qaytaçağıbıznı belä idem,” – dide.
“Xörriyät” gazetı “İskitkeç uñış” isemle yazmasında İskeşähär Anadolu univeristetınıñ däwlät konservatoriyaseneñ 5nçe klass uquçısı bulğan 10 yäşlek Märt Hakan Şäkärneñ Germaniyaneñ Baden Vürttemburg vilayätendäge Mühlacker şähärendä oyıştırılğan Baden-Vürttemberg Xalıqara muzıka bäygesendä berençe urınnı aluın uquçıları belän urtaqlaşa.
Xäbärgä kürä Bethovennıñ 20nçı sonatasın uynağan Märt Hakan Şäkär bäygedä üz yäş törkemendä 10 köndäşen artta qaldırdı.
