Törek matbuğatına küzätü 11.04.2017

 “Yäni Şafak” gazetı “Bazarlar canlandı” isemle xäbärendä 88 meň 765 blgese belän açılğan İstanbul birjasınıň kiçäge könne 3,1%qa kütärelep 91 meň 240 bilgese belän tämamlawı turında yaza.

Gazet yazuınça, mondıy kütärelügä amerikan investiŝiya bankı “Morgan Stanley”nıň Töp Qanun üzgäreşe referendumı belän bäyle uňay xisabı häm xalıqara kredit bäyäläw oyışması”Moody’s”nıň Törkiyä iqtisadınıň 2017 nçe yıl häm annan soňğı üseşe belän bäyle kötelgännärne yuğarı bäyäläwe yoğıntı yasadı.

Törkiyä iqtisad ministrı Nihat Zäybäkci xalıqara finans oyışmalarınıň referendum belän bäyle anketalar ütkärülären häm atna azağında näticäläre bilgele buluın citkerde.

”Vatan” gazetı “Törkiyäneň tarixi köne” isemle yazmasında Törkiyä finans ministrı Naci Ağbalnıň 2017 nçe yılnıň berençe çiregendä ildä citeşterü häm säwdäneň tağın da yaxşıra başlawı ,töp kapital salularnıň 16 nçı aprel’dän soň başlanaçağı turında äytüen citkerä.

Xäbärdän kürengänçä, Ağbal 16 nçı aprel’dän son 5 yıl däwamında xökümät üzgäreşeneň küzdä totılmawın ,monıň da êşmäkärlär öçen möhim ışanıç çığanağı buluın belderde.

”Sabah” gazetı” Dön’yanıň iň zur hawa mäydanında tözeleşneň yartısı tögällände” isemle xäbärendä barlıq êtapları tämamlanğanda dön’yanıň iň zur hawa mäydanı bulaçaq İstanbul yaňa hawa mäydanı tözeleşeneň yartısı tögällänüen xäbär itä.

Xäbärdän kürengänçä, bu uňaydan yaňa fil’m töşerelde. Hawa mäydanınıň berençe êtabınıň 2018 nçe yılnıň 28 nçe fevralendä qullanılışqa tapşırıluı kötelä.

”Xäbär Türk” gazetı “Törkiyä häm soŝial’ media” isemle xäbärendä  Törkiyädä 44 million facebook qullanuçı buluın uquçıları belän urtaqlaşa.

 Törkiyädä här ay 41 million keşe facebookka mobil’ telefon aşa totaşa. Dön’yaküläm tanılğan şirkätlär soŝial’ media aşa kiň xalıq massalarına ciňel genä ireşä ala. Törkiyä bu ölkädä zur potenŝial bulaçaq.

 “Star” gazetı “Blet Törkiyägä qarata rasaçı totış kürsätkän Awrupadan oyaluın belderde” isemle yazmasında Awrupanıň Törkiyägä qarata totışın tänqit’lägän franŝuz piyanist häm kompozitor Stefan Bletnıň “Törkiyä turında süz barğanda barlıq qimmätlären onıtqan Awrupanıň daimi räweştä yalğan söyläp qotıplaşu şartları tudırırğa tırışa. Awrupadan oyalam” dip äytüen citkerä.

Blet möselman-xristian bäreleşe kiterep çığaru tırışlıqları başqarıluın , Awrupa xalqınıň naçar säyäsätçelärdän yalığuın belderde.