Törek matbuğatına küzätü 31.03.2017

“Xäbär türk” gazetı “Yä birel yäisä kit” isemle xäbärendä Törkiyä ilbaşı Räcäp Tayyip Ärdoğannıñ Mardin şähärendä kümäk açılış tantanasında yasağan çığışında terrorçılıq belän köräşkä tuqtaluın yaza.

Xäbärgä kürä Ärdoğan tübändägeçä citkerde: “Çişeleş barışın başlattıq, alar bomba şartlattı. Bu uramnarda açılğan çoqırlar körd, süryani häm ğaräp qardäşläremä layıqmı? Monnan soñ bu ildä bernindi terrorçığa da tınıçlıq yuq. Yä bireläçäk yäisä bu cirlärdän kitäçäk. Yäki bez çığarıp taşlarbız.”

“Watan” gazetı “Döres häm legal’ uyınçılar belän êş başqarığız” isemle yazmasında Törkiyä ilbaşı Ärdoğannıñ Törkiyägä kilgän AQŞ däwlät särqätibe Reks Tillersonnı qabul itüen citkerä.

Gazet yazuınça ike lider Süriyä häm Ğiraqta “DEAŞ” terror oyışması belän ber rättän terror oyışmaları belän köräştä urtaq adımnarnı qarawların belderde. Ärdoğannıñ “DEAŞ” belän köräşneñ separatist PKK terror oyışmasınıñ Süriyädäge törkeme PYD belän başqarılmawı iskärtülären qabatlawı öyränelde.

Xäbärdän kürengänçä Törkiyä ilbaşı terrorçlılıqqa qarşı köräştä döres häm legal’ uyınçılar belän êş başqarunıñ möhim buluına iğtibarnı cälep itte.

“Yäni Şafak” gazetı “68 il “DEAŞ”nı ciñä almıybız ikän…” isemle xäbärendä Törkiyäneñ tışqı êşlär ministrı Mäwlüt Çavuşoğlunıñ AQŞ däwlät särqätibe Reks Tillerson belän oyıştırğan matbuğat oçraşuında “DEAŞ” terror oyışmasına qarşı bergä köräş alıp barıla alınaçağın, AQŞnıñ başqa terror oyışmaların qullanırğa ixtıyacı bulmawın belderüen yaza.

Xäbärdä Çavuşoğlunıñ tübändäge süzläre urın ala: “Bez 68 il hä NATO da bar. Qayber oyışmalar bularaq 10-20 meñ keşelek terror oyışmasın ciñä almıybız ikän, bolay da başqa terror oyışmalarına moxtacbız ikän, ul waqıtta üz-üzebezne qabat küzdän kiçerü kiräk. Bez monı başqara alabız. Monnan soñğı barışta da Süriyäneñ totrıqlılığı häm säyäsi çişeleş, “DEAŞ” belän köräş mäs’äläsendä berlektäşebez AQŞ belän yaqın xezmättäşlek êçendä êşçänlek başqarırğa telibez.”

“Star” gazetı “Sabiha Gökçän aêroportınıñ sıydırışlılığı 6 million yulçığa artaçaq” isemle xäbärendä 2009nçı yıldan birle ber-ber artlı 7 yıl buyı “Awrupanıñ iñ tiz üsüçe hawa mäydanı” däräcäsenä layıq bulğan İstanbuldağı Sabiha Gökçän xalıqara hawa mäydanınıñ terminal binasın kiñäytü qararın qabul itüen citkerä.

Xäbärgä kürä proyektnıñ tämamlanuı belän terminalnıñ yulçı sıydırışlılığı yıllıq 6 millionğa artaçaq.