Törek matbuğatına küzätü 23.03.2017

“Xäbär türk” gazetı Törkiyä ilbaşı Ärdoğannıñ Awrupanıñ üz mänfäğate turında süz barğanda demokratiyane, xoquq, ireklär, ğadellek turında uylamawın, Törkiyä turında süz barğanda şunduq yözlärenä demokratiya bitlegen kiyülären äytüen yaza.

Xäbärgä kürä “Bez dä bitlek kiyüçelärgä monnan soñ yulbasar möğamäläse kürsäterbez,” - digän ilbaşı tübändägeçä citkerde: “Media äğzase bulıp kürenüçe terror oyışmaları suğışçılarına, çit il xezmätläre agentlarına taşlama yasamayaçaqbız.”

“Watan” gazetı Törkiyäneñ Ğiraqnıñ tön’yağında separtist PKK terror oyışması ikençe Kandil yasarğa telägän Sincardağı täraqqıyätlärne yaqınnan küzätep baruın citkerä.

Gazet yazuınça Sincar häm Mahmurdağı PKK barlığına qarşı Ğiraq tön’yağındağı regional’ citäkçelek belän başqarılğan êşçänleklär küzdän kiçerelä. Päşmärgä köçläre Musuldağı operaśiyalären bilgele êtapka citkergäç Sincarğa östenlek biräçäk.

Xäbärdän kürengänçä PKKnıñ Sincarda urnaşuına kirtä quyar öçen Törkiyä çigenä yaqın urınnarda Törek qorallı köçläreneñ baza qoruı kön tärtibendä.

“Yäni Şafak” gazetı “Törek hawa yullarınıñ üsüen telämäwçelär säyästne qullana” isemle yazmasında könbatış hawa yulı şirkätläreneñ Törek hawa yulları häm İstanbul belän köndäş bula almağaç säyäsätne qullanuın citkerä.

Xäbärgä kürä Amerika Quşma Ştatları häm Angliya İstanbuldan yasalaçaq oçqıç säfärlärenä êlektron cihazı tıyuın quyğan. Säbäp isä – Törek hawa yullarınıñ çit illärgä säfärlärendäge uñışı.

Gazet yazuınça Törek hawa yulları dönyadağı yulçılarnıñ 78%ına ireşä ala. Dönyanın iñ zurısı bulaçaq İstanbuldağı 3nçe hawa mäydanı tämamlanğaç xalıqara tranzit yulçı bazarındağı tigezlämäne üzgärtäçäge öçen AQŞ başlatqan häm Angliya däwam ittergän öleş alu suğışına aldağı könnärdä qalğan illärneñ dä quşıluı kötelä.

“Sabah” gazetı “Tanılğan keşelär İstanbulğa kilä” isemle xabärendä Berläşkän Millätlär Oyışması Qalqınu programması belän sosial’ cawaplılıq proyektların däwam itterüçe Galatasaray taqımınıñ Törkiyädäge trenerı Fatih Tärimneñ dä yärdäme belän 17nçe may könne 2000nçe yılda UEFA kobuğın qazanuı yıllığınıñ monnan soñ Galatasaray bäyräme bularaq qotlanaçağın uquçıları belän urtaqlaşa.

Xäbärdän kürengänçä İstanbul Arenada Galatasaray häm Fatix Tärim çaqıraçaq qunaqlar belän UNDP cıyaçaq tanılğan êlekke futbolçılar duslıq matçı uynayaçaq.

Gazet yazuınça Hagi, Popescu, Taffarel, Kewell, Drogba häm Galatasaray trenerı İgor Tudor da forma kiyäçäk.