Törek matbuğatına küzätü 16.03.2017

“Xäbär türk” gazetı “Faşizm ruxı Awrupa uramnarında gizä” isemle xäbärendä Törkiyä ilbaşı Räcäp Tayyip Ärdoğannıñ Awrupa illäreneñ Törkiyäneñ 2023nçe yılğı maqsatınnan qurquların, moña kirtä quyar öçen dä qullarınnan kilgänne başqaruların belderüen yaza.

Xäbärgä kürä awrupalılarnıñ 16nçı aprel’ könge referendumnıñ närsäne añlatuın bik yaxşı belüen açıqlağan Ärdoğan tübändägeçä däwam itkän: “Awrupalılar 15nçe iyul’ könge qanlı tüntäreleş kereşüe belän çınğa aşıra almağan maqsatları belän sawbullaşaçaqların belä.”

Gazet yazuınça Ärdoğan Awrupalılarnıñ Törkiyägä qarata xaos häm tüntäreleş kereşüläreneñ uñışqa ireşmäwen häm Törkiyä maqsatlarınnan qurqa başlawların citkerde. Faşizm ruxınıñ Awrupa uramnarında gizüen dä äytkän ilbaşı: “Bez Törkiyä bularaq Awrupa illärendäge rasaçılarğa qarşı demokratiyane, keşe xoquqların, xoquqnı yaqlawnı däwam itteräçäkbez,” – dide.

“Watan” gazetı “Ministr Kaya Hollandiyaneñ rasaçı, faşist totışın BMOda anlattı” isemle yazmasında Ğailä häm sośial’ säyäsätlär ministrı Fatma Bätül Sayan Kaya Berläşkän Millätlär Oyışması Ğomüm şurasında Niderlandnıñ neonaśist ğamällären añlatuın citkerä.

Xäbärdä ministr Kayanıñ tübändäge süzläre urın ala: “Niderland diplomatik qağılğısızlığı bulğan xatın-qız ministrnıñ süz häm xäräkät iregen çikläp, Awrupa häm BMO kileşülären bozdı. Dönya mondıy qurqınıç bozu oçrağına bitaraf qalırğa tiyeş tügel. Maşinamnı qamap alğan maxsus törkemgä ut açu amere birelde. Mine qarşı alu öçen cıyılğan watandaşlarıbız poliśiya êtläre häm atlar belän keşeleksez möğamälägä duçar qaldı. İlem häm barlıq xatın-qızlar isemennän bu rasaçı häm çit il doşmanlığı bulğan totışnı ğayeplim.”

“Yäni Şafak” gazetı “Qaçaqlar kileşüeneñ mägnäse qalmadı” isemle xäbärendä Awrupa Berlege ministrı häm başsöyläşüçe Ömär Çälikneñ Awrupa Berlege – Törkiyä arasında imzalanğan Kire qabul itü kileşüeneñ tuñdırıla alınacağına işarät itüen yaza.

Xäbärgä kürä ministr Çälik: “Törkiyä telägän waqıtta, telägän räweşle qaçaqlar kileşüen küzdä kiçerä ala, küzdä kiçerü zarurlığına ışanam, bu kileşüneñ däwam itterelüe öçen bernindi säbäp yuq,” – dide.

“Sabah” gazetı “Niderlandtağı sayalwda Ärdoğanğa tawış çıqqan” isemle yazmasında Niderlandta çärşämbe könne uzğan saylawda byulleten’narda Räcäp Tayyip Ärdoğan yazuı kön tärtibendä êz qaldıruın uquçıları belän urtaqlaşa.

Xäbärgä kürä moña oxşaş yözlärçä byulletenneñ buluı belderelä. Bu xäbär sośial’ mediada da qısqa waqıtta taralğan.

Gazet yazuınça Facebook häm Twitterda yasalğan yullamalarda Ärdoğan räsemnäre häm iseme yazılğan yaraqsız şaqtıy byulleten quyılğan.

Xabärdän kürengänçä monnan alda da Amerika Quşma Ştatlarında uzğan ilbaşı saylawında Ärdoğanğa simvolik bularaq tawış birelän ide. Fransiyadäge ilbaşı alsaylawında da Törkiyä ilbaşına tawış çıqqan ide.