Törek matbuğatına küzätü 03.03.2017

“Star” gazetı “Saylağız, yä PYD, yä bez” isemle yazmasında Törkiyä premyer-ministrı Binali Yıldırımnıñ başqala Änkarada Xalıqara ombudsmenlık cıyılışında yasağan çığışında qayber terror oyışmalarınıñ Süriyädä YPG, PYD kebek isemnär astında yaña êzlänü êçendä buluların, yaña urın qazanu yulların sınap qarawların äytüen citkerä.

Xäbärgä kürä premyer-ministr Yıldırım: “Qaysı kiyemne kisälär dä, bez alarnı yaxşı tanıp beläbez. Şunıñ öçen dus häm berlektäşlärebez êşkä kereşkänçe ber tapqır tügel, 10 tapqır uylarğa tiyeş. Kem belän yulğa çığularına utırıp, qarar birergä tiyeşlär. Yä Törkiyä belän, yäisä terror oyışmaları belän,” – dide.

“Xäbär türk” gazetı Färat qalqanı operaśiyase belän terrorçılardan çistartılğan çistartılğan Süriyä çigeneñ kürelgän çaralar häm fiziki iminlek sistemaları yärdämendä ışanıçlı urınğa äylänüen yaza.

Gazet yazuınça qanunsız kerülär häm qaçaqçılıqnı qomaçawlawda zur uñışka ireşelde. Çik buyında beton diwar, çoqır häm timer çıbıqlar belän çaralar kürelgändä raketağa çıdamlı nığıtma häm quışlar, termal’ kameralar, köbäle transport çaraları häm keşesez hawa apparatları belän iminlek urnaştırıla.

“Yäni Şafak” gazetı “Diplomatik provokaśiya” isemle xäbärendä FETÖ, PKK häm DHKP/Cli terrorçılarnıñ ğamällärenä röxsät birüçe Germaniyaneñ Ğadälät ministrı Bäkir Bozdağ häm İqtisad ministrı Nihat Zäybäkçineñ Törkiyä watandaşları belän oçraşuına komik sabäplärdän röxsät birmäwen uquçıları belän urtaqlaşa.

Xäbärgä kürä skandalğa reaksiya beldergän Bäkir Bozdağ barlıq söyläşülären ğamäldän çığardı, Törkiyägä qaytu qararın qabul itte.

Gazet yazuınça Germaniyaneñ Änkaradağı ilçese dä Tışqı êşlär ministrlığına çağırılıp, nota birelde. Täraqqıyätlärdän toyılğan tınıçsızlıq häm reakśiya citkerelde.

“Watan” gazetı “Berençe cirle baza stansiyase” isemle yazmasında Xärbi êlektronika sänägäte akśionerlık cämğiäyte ASELSAN ğomüm mödire urınbasarı Yavuz Bayız Törkiyäneñ berençe cirle baza stansiyase ULAKnıñ aprel’ ayında Rizädä turıdan-turı çeltärgä totaştırılıp, qullanılaçağın äytüen citkerä.

Xäbärdän kürengänçä Yavuz Bayız törek injenerları tarafınnan yasalğan cirle baza stansiyase öçen operatorlar tarafınnan 750 zakaz kileşüeneñ imzalanuın belderde.