Törek matbuğatına küzätü 17.02.2017

“Star” gazetı “Rakka öçen xärbi oçraşu” isemle xäbärendä Törkiyäneñ Milli saqlanu ministrı Fikri Işıknıñ NATO Saqlanu ministrları cıyılışında qatnaşır öçen kitkän Bryussel’da matbuğat oçraşuı oyıştıruın yaza.

Xäbärgä kürä Färat qalqanı operaśiyase qısalarında Süriyädä däwam itüçe Äl Bab operaśiyase turında ministr tübändägeçä citkerde: “Bötenläy qamap alındı, êçtä çistartu êşe başqarıla. İrekle Süriyä armiyase häm törek xärbiläre “DEAŞ” terror oyışması êlementların çistartu öçen tığız êşçänlek alıp bara.”

Gazet yazuınça Törkiyäneñ Äl Babtan soñ östenlegeneñ Münbiç häm Rakka buluına iğtibar cälep itkän ministr Işık Amerika Quşma Ştatları Ğomüm ştab başlığı Djosef Danfordnıñ comğa könne Änkarada Ğomüm ştab başlığı Hulusi Akar belän küreşep söyläşäçägen belderep: “Rakka operaśiyaseneñ bergä başqarılıp, başqarılmayaçağı qaralaçaq, texnik êşçänlek çınğa aşaçaq,” – dide.

“Sabah” gazetı “Farsı qultığınıñ asqorıması töreklärgä amänät” isemle xäbärendä 34 yılda 113 ildä 335 milliard dolarlık proyektnı tormışqa aşırğan törek tözeleş tarmağınıñ çit ildä marka bulunı däwam itterüen yaza.

Xäbärdän kürengänçä Soğud Ğaräbstanında däwam itüçe Mäkkä, Ciddä, patşa Abdullah iqtisad şähäre häm Mädinä şähärlären ber-bersenä totaştıruçı 450 çaqrımlıq Haremeyn tiz yöreşle poyezd proyektı qısalarında Mädinä tiz yöreşle poyezd stansiyase uñışlı räweştä tapşırıldı.

Gazet yazuınça 1908nçe yılda yasalğan berençe tarixi stanśiyadän soñ Mädinä izge şähäreneñ ikençe stanśiyasen dä törek şirkäte tözede.

Xäbärgä kürä räsmi säfär belän Soğud Ğaräbstanına kitkän Törkiyä ilbaşı Räcäp Tayyip Ärdoğan Mädinädä Näbävi mäçetenä barğannan soñ Mädinä stanśiyasen gizde.

“Xabär türk” gazetı “Törek qızınıñ igençe robotı dönyada ikençe urında” isemle yazmasında Tayvan’da 23 ildän 247 proyekt qatnaşqan Taiwan İnternational Science Fairda Törkiyäne wäkillek itkän liśey uquçısı Alara Gülärneñ Tohumbot isemen quşqan İgençelek êşçänlege öçen tübän üzqimmätle yartılay avtomatik mobil’ robot isemle proyektı belän dönyada ikençe buluın citkerä.

Gazet yazuınça Alara Gülär yasağan Tohumbot ayıruça keçkenä häm urta ülçämdäge keşesez baqça igençelege ölkälärendä qullanılaçaq.

Xäbärdän kürengänçä Tohumbot şul uq êşne äz keşe köçe, üzqimmät häm waqıtta başqarıp, igençelek tarmağında uñdırışlıqnı arttıraçaq.