Törek matbuğatına küzätü 16.02.2017

“Xörriyät” gazetı “Qatar çın dus” isemle xäbärendä Törkiyä ilbaşı Räcäp Tayyip Ärdoğannıñ Baxreyn häm Soğud Ğaräbstanınnan soñ çärşämbe könne Qatarğa baruın yaza.

Xäbärgä kürä Ärdoğannı Qatar Ämire Şäyx Tämim bin Hamad Al-Sani räsmi tantana belän qarşı aldı. Ärdoğan Dohada Äl-Arab gazetına birgäñ interv’yusında: “Här oçraşu fiker urtaqlığın, küñellärneñ berdämlegen nığıta. Qatar 15nçe iyul’ könge tüntäreleş kereşüendä häm soñınnan kürsätkän yärdämläşüne, xuplawnı onıta almıybız. Qatar çın dus buluın kürsätte. Qardäşem Şäyx Tämim belän bergä töbägebezneñ xozurğa qawışuı öçen tağın küp yaña êşçänleklär başqara alaçağıbızğa ışanam,” – dide.

“Yäni Şafak” gazetı 25nçe fevral’ könne yaña Töp qanun öçen başlataçaq referendum kampaniyasennän alda premyer-ministr Binali Yıldırımnıñ şimbä könne Germaniyaneñ Oberhausen şähärendä 15 meñ törek watandaşına möräcäğat itäçägen yaza.

Xäbärdän kürengänçä Yıldırım şul uq könne München şähärendä qatnaşaçaq İminlek oçraşuında da Amerika Quşma Ştatları viśe-prezidentı Mayk Pens belän ber rättän şaqtıy liderlar belän küreşep söyläşäçäk.

“Xäbär türk” gazetı “Qara diñgezdä rol’lär bigelänä: “NATOnıñ angajement qağidäläre bäxäsläşelä” isele xäbärendä Rusiyä-Amerika Quşma Ştatları arasındağı Ukraina krizisı häm Rusiyäneñ Qırımnı yawlap aluınnan soñ Qara diñgezdä kiyerenkelekneñ artuın citkerä.

Xäbärdän kürengänçä çärşämbe könne başlanğan häm pänceşämbe könne Bryusselda däwam itäçäk NATO Saqlanu ministrları cıyılışında “angajement variantları” qarala. NATO Qara diñgezdä qabul itäçäk angajement qararlarına Törkiyäneñ nindi xuplaw kürsätäçäge dä bu cıyılışta şäkellänäçäk.

Gazet yazuınça Qara diñgez öçen bäxäsäşelgän angajement variantları arasında “Daimi NATO Diñgez köçe, urtaq flot häm küp millätle batal’on” bar.

“Sabah” gazetı “İstanbulda muzıka 29nçı may könne başlana” isemle yazmasıda 45nçe İstanbul Muzıka festivaleneñ “Ğadäti bulmağan” isemle teması belän 29nçı may-21nçe iyun’ könnärendä muzıak söyüçelär belän oçraşırğa äzerlänüen citkerä.

Xäbärgä kürä yäş sänğatçe Andrey İonitanıñ 29nçı may könge açılış konśertı belän başlanaçaq çara şaqtıy saylanğan filarmoniyalärdän alıp osta solistlarğa häm yäş sänğatçelärgä qadär 600dän artıq cirle häm çit il sänğatçesen oçraştıraçaq.