Törek matbuğatına küzätü 06.02.2017

 “Yäni Şafak” gazetı “DEAŞ”qa zur höcüm” isemle yazmasında “DEAŞ” terror oyışmasına qarşı aktiv köräş alıp baruçı Törkiyäneň operaŝiyälären tizlätüe turında yaza.

Xäbärdän kürengänçä, terror oyışmasına Süriyädä häm Törkiyädä köçle höcümnär yasaldı. İstanbul, Änkara, İzmir häm Şanlıurfa berençe çiratta bulu belän bergä 28 vilayät’tä yözlärçä  terror öylärenä operaŝiya oyıştırıldı, 690 keşe qulğa alındı.

Ğomum ştab başlığı armiya generalı Hulusi Akar cir öste häm hawa köçläre komandirları belän Gaziantep häm Kilistäge berleklärdä tikşerülär ütkärde. Akar “Färat qalqanı” häm terrorğa qarşı köräş xäräkätläre belän bäyle mäğlümat aldı. 

”Star” gazetı ”Fälästindä törek investorğa êşxanä” isemle xäbärendä Törkiyäneň İzrail’ belän İrekle säwdä kileşüen yaňartuın xäbär itä.

Gazet yazuınça, bu qısada Fälästindä êş belän täêmin itügä dä yul açaçaq Cänin qalasında törek êşmäkärlär yaňa êşxanälärdä “Made in Fälästin”  markası belän citeşterü başqaraçaq.

Törkiyäneň oyışqan sänäğät’ töbäklärenä yünälgän êşçänleklärennän soň Urta Aziya,Yaqın Könçığış häm Farsı qultığı illäre dä Törkiyäneň sänäğät’ töbäge êşlätü täcribäsennän faydalanu öçen Törkiyä palatalar häm birjalar Berlege işegen şaqıy.

 “Vatan” gazetı” Nol’dan rekordqa” isemle xäbärendä İstanbulnıň 2000 nçe yılda 8 çaqrım 500 metr ozınlığında bulğan metrosınıň 2023 nçe yılda New-Yorktan soň dön’yanıň iň ozın liniyäse bulaçağın citkerä.

 8 çaqrım 500 metr ozınlığındağı liniya xäzerge waqıtta 150 çaqrımğa citte. 156 çaqrımlıq liniyäneň tözeleşe däwam itä. 2023 nçe yıl maqsatı bulğan 1000 çaqrımlıq rel’slı sistema liniyäse tämamlanğanda İstanbul New-Yorktan soň ikençe urında bulaçaq.

”Xörriyät” gazetı” Avtomobil’ êksportı 37%qa arttı” isemle yazmasında êksportnıň lokomotiv tarmağı bulğan avtomobil’ sektorınıň ğinwar ayı êksportınıň 37%qa artıp 2 milliard 69 million dollar täşkil itüen belderä.

 Avtomobil’ tarmağı ğinwar ayında tuplam êksporttağı payın 20%qa citkerde.

”Sabah” gazetı “Germaniyanıň “Der Spiegel” jurnalı “FETÖ”nı aňladı” isemle yazmasında nihayät’ almannarnıň da FETÖ çınbarlığın açıp salırğa mäcbür buluları turında yaza.

Germaniyanıň “Der Spiegel” jurnalı “Fätullahçı terror oyışması”nıň qurqınıç oyışma buluı turında yazıp çıqtı. “FETÖ” liderı Fätullah Gülänne şikle şäxes bularaq bäyäläde.

Jurnal yıllar buyı däwlät oyışmalarına ütep kergän FETÖçılarnıň üzläre iyä bulğan köçne naçar maqsatlarda qullanıp ,üzlären bayıtularına ,alarnı tänqitläwçelärne çitläşterülärenä iğtibarnı yünältä. Jurnal oyışmanıň Germaniyadağı êşçänleklare belän bäyle dä kisätü yasadı.