Törek matbuğatına küzätü 26.12.2016

“Vatan” gazetı “Qızıl armiyäneñ tawışı Qara diñgezdä tınıp qaldı” isemle xäbärendä “Qızıl armiya” xorı sänğät’çelären ğaskärlärgä xuplaw , köç birü öçen konśert quyarğa Süriyägä alıp baruçı Rusiya Federaśiyäse saqlanu ministrlığınıñ TU-154 oçqıçınıñ kütärelep kitep 7 minut uzğannan soñ Qara diñgezgä kilep töşüe turında yaza.

 Gazet yazuınça,92 keşe bulğan oçqıçta isän saw qaluçı bulmadı. Rusiya Federaśiyäseneñ Törkiyädäge tulı wäqalätle ilçese Andrey Karlov, Rusiya Federaśiyäse tışqı êşlär ministrlığı räsmi zatı Petr Polşikov häm NATO ğomum küzätüçese Yves Chandelonnıñ ülemennän soñ Rusiya saqlanu ministrlığı oçqıçınıñ da kilep töşüe “Rusiyägä qarata yäşeren operaśiya alıp barılamı?” sorawın tudıra. Cirle media Rusiyäneñ terror oyışmalarınıñ maqsatına äwerelä aluın belderep, kiläse könnärdä moña oxşaş höcümnär küzätelä alacağın kisätte.

”Xäbär Türk” gazetı “Törkiyä qayğı urtaqlaştı” isemle xäbärendä Törkiyä ilbaşı Räcäp Tayyip Ärdoğannıñ Rusiya Federaśiyäse däwlät başlığı Vladimir Putinğa telefonnan şaltıratıp Rusiya oçqıçınıñ Qara diñgezdä kilep töşüe uñayınnan qayğı urtaqlaşuın xäbär itä.

Xäbärdän kürengänçä,Törkiyä prem’yer-ministrı Binali Yıldırım da  da xezmättäşe Dmitriy Medvedevqa qayğınama cibärep teläktäşlek belderde. Törkiyä saqlanu ministrı Fikri Işık Rusiya Federaśiyäse saqlanu ministrı Sergey Şoyguga qayğınamä cibärde ,tışqı êşlär ministrlığı süzçese Xösäyen Müftüoğlu da qaza xäbären Törkiyäne tiran borçuğa saluına basım yasap, Rusiya xalqı häm däwläteneñ qayğısın urtaqlaştı.

”Star” gazetı “Mart ayında “PKK” öçen uyın betäçäk” isemle xäbärendä Törkiyä êçke êşlär ministrı Söläyman Soylunıñ Siirt qalasında yasağan çığışında tübändägelärne citkerüen belderä:” Diyarbakır,Siirt,Mardin,Bitlis –śivilizaśiya şähärläre. Bu qadim üzäklärneñ barı tik terror belän iskä alınuı mömkin tügel. Bu şähärlärgä qarata qızıqsınunı arttıru ,taläplären urında tikşerü öçen biregä kildek. “PKK” terror oyışmasına bu ilgä uyın uynawnıñ närsä buluın yazın şulay itep kürsätäçäkbez ki, başqa ayaqqa basa almayaçaqlar”.

”Sabah” gazetı “Texnologiya çığanağı Törkiyädän kiläçäk” isemle yazmasında Berläşkän Millätlär Oyışması ğomum şurasınıñ Xalıqara texnologiya bankın Törkiyädä buldırunı raslawın xäbär itä.

Xäbärdän kürengänçä,48 ilne üz êçenä alaçaq bank kiläse yılda êşkä kereşäçäk.  Artta qalğan illärneñ 4 nçe konferenśiyäse 2011 nçe yılda İstanbulda ütkärelde. Törkiyäneñ ul waqıttağı prem’yer-ministrı häm xäzerge ilbaşı Räcäp Tayyip Ärdoğan ul konferenśiyädä yasağan çığışında bu illär belän bäyle yöklämä paketın açıqladı, artta qalğan illär öçen texnologiya bankı rolen üz östenä alaçaq xalıqara üzäk üzäk qoru da bu yöklämalär arasında urın alğan ide.

“Xörriyät” gazetı “Bursalı Fiat Egeanıñ zur ciñüe:dön’yanı äylänep çıqqan täwge cirle avtomobil’” isemle xäbärendä Bursada êşläp çığarıluçı “Fiat Egea” avtomobileneñ dön’yanı äylänep çıqqan Törkiyädä êşläp çığarılğan täwge avtomobil’ üzençälegenä iyä buluın uquçıları belän urtaqlaşa.

Gazet yazuınça,xäzerge waqıtqa qadäer 16 ilgä barğan avtomobil’ Törkiyägä qaytqanda tuplam 22 ilgä barğan bulaçaq.