Törek matbuğatına küzätü 12.12.2016

 “Xörriyät” gazetı “Terrorçılar cäzasız qalmayaçaq” isemle yazmasında Törkiyä ilbaşı Räcäp Tayyip Ärdoğannıñ İstanbuldağı maxsus poliśiya xezmätkärlärenä oyıştırılğan xain terror höcümendä yaralanğan xezmätkärlärneñ xällären belü öçen Hasäki tikşerenü xastaxanäsenä baruı turında yaza.

Xäbärdän kürengänçä, Ärdoğan yaralanğan keşelärneñ xälläre äybät buluın belderde. Höcümdä 38 keşeneñ şähit buluın häm 155 keşeneñ yaralanuın belderüçe ilbaşı Ärdoğan Törkiyäneñ terrorğa qarşı köräşne azağına qadär däwam itteräçägenä basım yasadı häm “Terrorçılar cäzasız qalmayaçaq” dide.

İlbaşı höcümneñ nindi bomba belän yasaluı turındağı sorawğa xäzerge waqıtta tikşerülärneñ däwam itüen ,tikşerülär näticäsendä bombalarnıñ töre bilge bulacağın häm soñraq bu xaqta centekle belderülär yasalaçağın citkerde. 

”Xäbär Türk” gazetı “Öç partiyädän terrorğa qarşı urtaq belderge” isemle  yazmasında Törkiyä Böyek Millät Mäclese ğomum şurasında “Ğadälät häm qalqınu” partiyäse,  “Cömhüriyät xalıq” partiyäse häm “Millätçe xäräkät” patiyäse törkemnäreneñ İstanbuldağı terror höcümenä qarşı urtaq beldergegä qul quyuların xäbär itä.

 Beldergedä tübändäge yullar urın ala:” Bu ğaziz törek xalqınıñ bergälegenä yünälgän wäxşilärçä terror höcüme. Qaysı ğına terror oyışması bulmasın ,bu höcümne başqaruçılar şunı belsen ki: ğaziz millätebezneñ bergälege bozılmayaçaq ,kiresençä tağın da nığıyaçaq. Bu beldergegä imza salğan partiyalär törkemnäre bularaq xalqıbıznıñ tınıçlığı häm iminlege öçen terrorğa qarşı köräşta iminlek köçlärebezneñ härwaqıt yanında bulaçaqbız”.

 “Vatan” gazetı ”Bez härwaqıt poliśiyäbezneñ yanında” isemle yazmasında “PKK” terror oyışmasınıñ Törkiyäne bülü öçen şartlatqan bombalarnıñ törek milläten “Bez härwaqıt poliśiyäbezneñ yanında”iseme astında tağın ber tapqır berläşterüe turında yaza.

Xäbärdän kürengänçä, İstanbulda maxsus poliśiya xezmätkärlärenä xain höcüm oyıştırılğannan soñ sośial’ mediada poliśiyağa yaqlaw kürsätü kampaniyäse başlatıldı.

”Yäni Şafak”gazetı “Törkiyä terrorğa qarşı ber yöräk” isemle xäbärendä İstanbulda 38 keşe şähit bulğan häm 155 keşe yaralanğan terror höcümenä qarşı ilneñ ber tawış ,ber yöräk bulıp berläşüen uquçıları belän urtaqlaşa.

Gazet yazuınça, säyäsät, media, êş dön’yası ,ictimaği oyışmalar,sport häm sänğät’ dön’yası teläktäşlek belderde.

Terrorğa qarşı näfrät häm qağilıq ürnäge kürsätelde.Küp sanda il Törkiyägä yaqlaw kürsätep belderülar yasadı.