Törek matbuğatına küzätü

“Watan” gazetı “Könbatış “DEAŞ” yanında” isemle xäbärendä Törkiyä ilbaşı Räcäp Tayyip Ärdoğannıñ pänceşämbe könne Paqıstan Parlamentında uzğan Milli Mäcles häm Senat urtaq utırışında çığış yasawın yaza.

Xäbärgä kürä terrorçılıq belän köräştä könbatış illäreneñ totışın tänqitlägän Ärdoğan: “Terror oyışmalarına qarşı yärdämläşü häm xezmättäşlegebezne kiñäytep, däwam itterü zarurlığına ışanam. Äl Kaidä häm anıñ öleşe bularaq barlıqqa kilgän “DEAŞ” kebek terror oyışmaları möselmannarğa zıyan kiterüçe, İslamğa qarşı alıp barıluçı suğış çarası bulğan qorılışlardır. Könbatış xäzerge waqıtta “DEAŞ” yanında. Bolardan qulğa töşerelgän qorallarnıñ könbatıştan buluın rasladıq. Barlıq bolar İslam dönyasına qarşı yasala,” - dide.

“Sabah” gazetı “Törkiyädän 20 könbatış ilenä FETÖ iskärtüe” isemle xäbärendä Törkiyäneñ Fätullahçı terror oyışmasına tağın ber zıyan kiterü öçen êşkä kereşüen citkerä.

Gazet yazuınça oyışmanıñ AQŞ häm Awrupadağı milekneñ tuñdırıluı öçen 20 ilne kisätkän Törkiyä bu illärgä açılğan xisaplar, terror oyışmasın finanslawçığa bulışu, qara aqça aqlawçı oyışma häm keşelärneñ isemlegen birde.

Xäbärdän kürengänçä isemlektä urın aluçı, terror oyışmasın turıdan finanslawına qağılışlı dokumentları bulğan 400dän artıq şirkät häm keşeneñ mal-mölkät barlığı belän aqça ağışının tuñdırıluı soralğan, yaña çorda bu mäs’älädä bärabärlek äsasınıñ êşkä kereşäçägenä iğtibar cälep itelgän.

“Xörriyät” gazetı premyer-ministr Binali Yıldırımnıñ çit il investorına watandaşlıq häm ildä yaşäw röxsäten birüçe qanuni tärtipkä salunıñ qısqa waqıtta Törkiyä Böyek Millät Mäclesennän uzuın sorağanda Afrika, Süriyä, Ğiraq kebek illärdän Törkiyägä kilgän investorlar öçen maxsus êşçänlek başlatuın yaza.

Xäbärgä kürä Yıldırım viza probleması belän oçraşqan çit il investorlarınıñ qıyınlıqların çişü öçen premyer-ministr urınbasarı Nurättin Canikligä boyırıq birüen äytte.

“Yäni Şafak” gazetı “Yawlıqqa FİBAdan röxsät” isemle yazmasında Xalıqara Basketbol Federaśiyaläre berlege FİBAnıñ 2 ay êlek yawlıq belän uynawnı tıyğan Şveśiyaneñ Huddinge taqımındağı Noha Berhannıñ matçlarğa çığuına röxsät birüen uquçıları belän urtaqlaşa.

Gazet yazuınça qararnıñ 2017nçe yılnıñ ğinwar ayı azağına qadär ğamäldä bulacağı häm FİBA räsmi zatlarınıñ mäs’äläne qarar öçen qabat cıyılaçağı belderelgän.

Xäbärdän kürengänçä Şveśiyadäge Basketbol federaśiyase uzğan yılnı 18 yäşe tulğan Berhannıñ yawlıq belän matçlarda uynawına röxsät birgäb häm bu qararın FİBAğa da beldergän ide. FİBA da 2 ay êlek fedeaśiya qabul itkän qararnı ğamäldän çığarğan ide.