Törek matbuğatına küzätü

“Sabah” gazetı “Awrupa Berlegenä tağın 2 ay sabırlıq, soñınnan referendum” isemle xäbärendä Törkiyä ilbaşı Räcäp Tayyip Ärdoğannıñ Awrupa Parlamentı başlığı Martin Şulśnıñ terrorçılıq mäs’äläsendä qanuni üzgäreş terätüçe Awrupağa qarşı çıqqan Törkiyä belän söyläşülärne tuqtatu häm çikläw yanawlarına tübändägeçä cawap qaytaruın yaza: “Yıl azağına qadär sabır itik, annan sıñ millättän sorarbız.”

Xäbärgä kürä terrorçılıqnı xuplawçı könbatışqa qırıs cawap birgän Ärdoğan: “Terrorçılarğa härtörle xuplawnı kürsätäsez, annan soñ Törkiyägä “Awrupa Berlegenä quşılu söyläşülären tuqtata alabız” disez. Soñğa qaldığız, şunduq qarar biregez. Bez dä millättän sorarbız. Bolar döres tügel. Bez döres buluçılar belän bergä bulırbız,” – dide.

“Xäbär türk” gazetı “Awrupa Berlegennän kiregä adım, söyläşülär däwam itä” isemle yazmasında Awrupa Berlege tışqı êşlär ministrlarınıñ Bryusselda Törkiyäneñ berlekkä quşılu söyläşülären qarawın citkerä.

Xäbärdän kürengänçä Awstriya äğzalek yaqlı qararş beldermägän, Angliya tışqı êşlär ministrı Boris Djonson Törkiyäneñ strategik ähämiyätkä iyä buluın belderep: “Törkiyäne çitläşterergä yaramıy. Barlıqqa kilgännärgä qaramastan urtaq mänfäğatlärebezgä qarşı küpertelgän reakśiyalär kürsätergä tiyeş tügelbez,” – digän.

Gazet yazuınça berlekneñ köçle äğzaläre bulğan Germaniya häm Franśiya ministrları da söyläşülärneñ tuqtatıluınıñ bu êtapta faydadan kübräk zıyan kiteräçäge qaraşın beldergännär.

“Yäni Şafak” gazetı “Şırnak terrorçılıqtan arındırıldı, xalıq öylärenä qayta” isemle xabärendä PKK terror oyışmasınıñ bala-çağa, xatın-qız, olı yäştäge, yäşlär dimiçä ütergän, öylärne yandırğan, mäktäplärne bombalağan Şırnakta xalıqnıñ iminlek köçläreneñ töbäkne terrorçılıqtan çistartuınnan soñ öylärenä qayta başlawın yaza.

Xäbärgä kürä iminlek köçlären yaratıp qarşı alğan Şırnak xalqı şähärgä kergän urında ozın çirat barlıqqa kiterde. Öylärenä qaytuçılar PKKlı terrorçılar şähärgä salğan zıyannı kürgäç oyışmağa zur reakśiya belderä.

Gazet yazuınça däwlät terrorçılıqtan çistartılğan töbäkneñ qalqınuı öçen härtörle matdi yärdäm kürsatäçäk.

“Watan” gazetı “Awraziya tunnelenä sanawlı könnär qaldı” isemle xäbärendä Törkiyäneñ iñ zur proyektları arasında urın aluçı, İstanbulnıñ ike yağın Marmaraydan soñ ikençe tapqır diñgez töbennän berläşterüçe Awraziya tunneleneñ 20nçe dekabr’ könne açılacağın citkerä.

Xäbärdän kürengänçä Marmaraydan ayırmalı bularaq ike qitğanı avtoyul belän bäyäwçe proyekt yärdämendä 100 minut däwam itüe Kazlıçäşmä – Göztäpä arasındağı yul 15 minutka töşäçäk.

Gazet yazuınça proyekt investiśiyasenä 1 milliard 245 million dollar sarıf itelde. Köndä kim digändä 100 meñ transport çarasınıñ qullanuı planlanğan proyekt ike qatlı itep tözelde. Awraziya tunnele uzğan yılnı Xalıqara tunnel häm cirastı qorılmaları berlege tarafınnan “Yılnıñ zur proyektı” bülägenä layıq buldı.