Törek matbuğatına küzätü 14.11.2016

“Star” gazetı ”Äl Bab kürende” isemle yazmasında Törek Qorallı Köçläre yaqlaw kürsätkän irekle Süriyä armiyäseneñ “Färat qalqanı” xäräkäte qısasında Äl Babnı “DEAŞ” terror oyışmasınnan qotqaru öçen êşka kereşüe turında yaza.

 Gazet beldergänçä, Cärablus, Çobanbäy, Azäz, Mare liniyäseneñ iminlegen täêmin itü säbäbe belän zur ähämiyätkä iyä bulğan “DEAŞ”kontrolendäge Äl Babqa oyıştırılğan xäräkättä 1500 oppoziśiya suğışçısı qatnaşa, töbäkkä Törkiyädän 40 tank häm 15 çılbırlı texnika cibärelde.

”Milliyät” gazetı “ 1 million Qıtay turistı öçen tarixi kileşü” isemle yazmasında Törkiyä belän Qıtay arasında säwdä häm turzim mönäsäbätlären üsterü maqsatı belän Qıtayğa säfär yasağan 18 keşelek Törkiyä wäkillegeneñ yılda kim digändä 1 million Qıtay turistınıñ Törkiyägä kilüe öçen al kileşü imzalawın xäbär itä.

Xäbärdän kürengänçä, berençe Qıtay törkemeneñ kiläse könnärdä Törkiyägä kilüe kötelä. Däwam itüe kötelgän kileşü nigezendä turistlarnıñ million dollar külämendäge valyuta kereme belän ilgä öleş kertäçäge uylanıla.

”Sabah” gazetı” Dön’ya aqçası Törkiyägä kiläçäk” isemle xäbärendä Törkiyä xökümäteneñ ışanıçlı urın êzlägän kapitalnı Törkiyägä cälep itü öçen barlıq mömkinleklären qullanğanda finans bazarların da tiränäytäçäk adımnar yasawın citkerä.

 Gazet yazuınça, İslam illärendäge kapitalnıñ Törkiyägä kilüe öçen prośentsız finans êşlänmälären taratudağı qağidä,qanun kirtäläre beterelä.  Premyer-ministr urınbasarı Nurettin Canikli prośentsız sistema belän êşläwçe banklarda möhim alğarış potenśialı kürülären häm moña zur ähämiyät birülären belderde. Birjanıñ bazar qimmäteneñ 600 milliardtan artuın belderüçe Canikli bügenge köndä Törkiyädä yaqınça 450 meñ watandaşnıñ prośentsız finans êşlänmälärenä investiśiya kertüen citkerde.

”Xörriyät” gazetı “Üzäkkä FED köyläwe” isemle xäbärendä Törkiyä Cömhüriyäte Üzäk bankı qanunınıñ üzgäräçäge turında yaza.

 Xäbärdän kürengänçä, prem’yer – ministr urınbasarı Mähmät Şimşäk tormışqa aşırılaçaq yaña  tärtipkä saluı belän alğa kitkän illär belän oxşaş räweştä ayda 1 tapqır ütkärelgän aqça säyäsäte şurası cıyılışı sanın kimetep,yılda kim digändä 8 tapqır ütkäreläçägen belderde. Şimşäk älege qanun üzgäreşeneñ kiläse ayda ğamälgä aşuın kötülären citkerde.

 “Xäbär Türk” gazetı “Ziraat” bankı iñ yaratılğan bank bulıp saylandı”isemle xäbärendä “Ziraat” bankınıñ  MediaCat-Ipsos xezmättäşlegendä ütkärelgän tikşerenü qısasında bank sisteması kategoriyäsendä berençe urınğa layıq bulıp Törkiyäneñ iñ yaratqan bankı bulıp saylanuın uquçıları belän urtaqlaşa.

Brand Week İstanbul 2016da büläklär tapşıru tantanasında “Ziraat” bakınınıñ büläge oyışma êlemtäläre bülege başlığı Ali Kırbaşqa tapşırıldı. Kırbaş bank kliyentlarına tağın da yaxşı xezmät birü öçen tırışuların citkerde.