Törek matbuğatına küzätü
1nçe noyabr' könne basılıp çıqqan qayber törek gazetlarına küzätü
“Sabah” gazetı “Ärdoğannıñ iradäsenä xäyran qaldıq” isemle xäbärendä Törkiyä premyer-ministrı Binali Yıldırım belän İstanbulda oçraşqan avtomobil’, finans, neft’, texnologiya şirkätläre “Törkiyägä ışanabız, investiśiyalär däwam itäçäk” yullaması yasawların yaza.
Xäbärgä kürä söyläşüdä 15nçe iyul’ könge tüntäreleş kereşüe häm Törkiyä iqtisadına qarata ışanıç üz êzen qaldırdı. Oçraşuda çığış yasağan yuğarı däracäle citäkçelär tüntäreleş kereşüennän soñ barlıqqa kiterelergä tırışılğan an-fiker häm iqtisadi küreneşneñ ayırmasına iğtibarnı cälep itte.
Gazet yazuınça dönya şirkätläre FETÖneñ tüntäreleş kereşüendä Törkiyäneñ uñışlı räweştä imtixannan uzuına iğtibar cälep itep: “Barlıqqa kiterelgän añ-fiker bette. Törkiyä demokratiya mäs’äläsendä ähämiyätle imtixannan uzdı. Däwlät başlığı Ärdoğan ul tönne quyğa totışın täqdir belän küzättek,” – didelär.
“Star” gazetı “Awrupa Berlege şartlarına yaraqlı pasport çorı” isemle yazmasında pasport häm maşina yörtü tanıqlığı aluda yaña çornıñ başlanuın citkerä.
Xäbärdan kürengänçä Törkiyä belän Awrupa Berlege arasındağı kileşü buyınça äzerlängän häm çiplarında barmaq êze mäğlümatları bulğan pasportlar 1nçe noyabr’dän başlap birelä başlana. İminlek ğomüm mödirlege tarafınnan başqarıluçı pasport häm maşina yörtü tanıqlıqları êşläre poliśiyadan alınıp, 1 yıl êçendä Xalıqnı terkäw häm tanıqlıq xezmätläre ğomüm mödirlegenä tapşırılaçaq.
Gazet yazuınça yaña pasportlarnıñ çiplarında biometrik mäğlümat häm keşeneñ barmaq êze belän ber rättän iseme, familiyase, tuğan köne häm urını, watandaşlıq, pasport häm zagranpasport nomerı, cenes kebek şäxsi mäğlümatlar da bulaçaq.
“Yäni Şafak” gazetı “PYDnıñ zolımınnan qaçıp, Cärabluska sıyındılar” isemle xäbärendä Färat qalqanı operaśiyase qısalarında “DEAŞ” terror oyışmasınnan çistartılğan Cärablus, Äsäd häm PYD terror oyışmasınıñ zolımınnan qaçqan süriyälelärneñ dä sıyınır urınına äylänüen yaza.
Gazet yazuınça Färat yılğası könçığışında PYDneñ kontrolendä bulğan Şuyuhtan qaçıp, Cärabluska kilgän süriyälelär çatırlarda kön kürä. Şuyuhlular öyläreneñ PYD terrorçıları tarafınnan yandırılıp, cimerelüen, mallarının alınuın belderä.
Xäbärgä kürä şuyuhlular äyberlären alğan PYDle terrorçılarnıñ bolarnı Kobani tirä-yağındağı oyışma äğzalärenä alıp baruın, töbäktä körd bulmağan härkemgä naçar möğamälä kürsätülären añlata.
“Xörriyät” gazetı “Manaranıñ awışlığı Pisa manarasınnan kübräk” isemle yazmasında Elazığ şähärendäge 859 yıllıq Harput Ulu cämiğ manarasında 6,8 daräcälek awışlıqnıñ buluın yaza.
Xäbärgä kürä İtaliyaneñ Pisa şähärendä Moğcizalar mäydanında 1173nçe yılda çañ manarası bularaq tözelgän Pisa manarası isä 3,99 däräcälek awışlıq belän tanıla.
Gazet yazuınça Harput mäxälläsendäge Ulu cämiğnıñ manarası turizm tarmağında möhim urını bulğan Pisa manarasınnan 16 yıl êlek yasalğan. Elazığdağı Harput Ulu cämiğı Anadolunın berençe cämiğlarınnan berse bulıp tora. Manara bu awışlıq belän bügengä qadär saqlanıp qala alu cähatennän möhim äsär.
