Törek matbuğatına küzätü 17.10.2016
17 nçe oktyabr' könne basılıp çıqqan qayber törek gazetlarına küzätü
“Sabah” gazetı “Musul operaśiyäse başlandı” isemle yazmasında Ğiraq premyer-ministrı Xäydär äl-İbadinıñ däwlät televideniyesenä yasağan belderüendä Musulnı “DEAŞ” terror oyışmasınnan qotqaru operaśiyäseneñ başlanuın belderep, şähär üzägenä barı tik armiya häm poliśiya köçläreneñ keräçäge turında äytüen citkerä.
Xäbärdän kürengänçä, İbadi Musul xalqınıñ iminlek köçlärenä teläktäşlek kürsätüen soradı.
”Xäbär Türk” gazetı “Änkaradan Bagdatqa wäkillek” isemle xäbärendä Törkiyäneñ Musulğa yaqın urnaşqan Başika lagerı belän bäyle krizisnı çişü häm Ankaranıñ tesizların añlatu öçen bu atnada Bagdatqa wäkillek cibäräçägen xäbär itä.
Gazet yazuınça, Ğiraqqa kitäçäk Änkara wäkillegendä tışqı êşlär ministrlığı, ğomum ştab häm milli küzläw oyışması wakilläre urın ala. Wäkillekneñ söyläşü kön tärtibendäge töp mäs’älälär - Musul operaśiyäse häm Törkiyäneñ Musul tiräsendäge Başika lagerı. Törkiyäneñ Musul operaśiyäsendä qatnaşu teläge häm Başika lagerı belän bäyle uzğan atnada Änkara-Bagdat arasındağı inetervyular kiyerenkelekne tağın da arttırğan ide. AQŞnıñ Musul operaśiyäsendä kemnärneñ qatnaşuına Ğiraq qarar biräçäk dip äytüe kiyerenkelekne köçäytte. Törkiyäneñ Musul operaśiyäsendä qatnaşu teläge belän bäyle ilbaşı Räcäp Tayyip Ärdoğan “Törkiyäne telämäsälär B planıbız bar”dip qatğilığın citkerde.
”Xörriyät” gazetı ”Çirat äl Babta” isemle xäbärendä “Färat qalqanı” xäräkäteneñ 54 nçe könendä İrekle Süriyä armiyäse Törek Qorallı Köçläreneñ yärdäme belän “DEAŞ” terror oyışması cähätennän simvolik ähämiyätkä iyä bulğan Dabık awılına kerde häm zur külämdä kontrol’ tä’min itte.Nıqlap qarşılıq kürsätmägän “DEAŞ” terror oyışması Dabıktan kitkändä töbäktäge iñ zur toraq punkt bulğan könyaqtağı Äl Babqa taba çigende. İrekle Süriyä armiyäse maqsatınıñ da Äl Bab buluı kötelä.
“Yäni Şafak” gazetı “Awraziya tunneli dönyanıñ iñ yaxşı tunnel’ proyektı bulıp saylandı” isemle xäbärendä Amerika Quşma Ştatlarınıñ 106 metr tiränlektä tözelgän Awraziya tunnelin büläkläwen citkerä.
Xäbärdän kürengänçä, İstanbulnıñ ike yarın totaştıruçı Awraziya tunneli açılğançı uq dönyanıñ iñ yaxşı proyektı bulıp saylandı.
20 nçe dekabr’dä açılaçaq tunnel’ “Engineering News Record”(ENR) jurnalınıñ “İñ yaxşı global’proyektlar büläkläre” isemlegendä küper-tunnel’ kategoriyäsendä berençe urınğa layıq buldı.
”Star” gazetı “Törkiyädän Awrupağa yılda 1500 “Mersedes” mikroavtobusı kitäçäk” isemle xäbärendä “Mersedes”nıñ wäqalätle “Arobus” şirkäte belän Awrupağa mikroavtobus êksportlayaçağın uquçıları belän urtaqlaşa.
1500 mikroavtobus belän başlanaçaq proyektta avtobus sanınıñ 3 meñgä citüe kötelä. “Mersedes – Benz” Törkiyä ciñel säwdä avtomobil’läre satu direktorı Tufan Akdäniz “Törkiyä sıyfatı belän êşläp çığarılğan avtomobil’lärebez belän ğorurlanabız” dip beldergän.
Bäyläneşle xäbärlär
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü