Törek matbuğatına küzätü 13.10.2016

“Xäbär türk” gazetı “Säyäsättä kön tärtibe yaña töp qanun häm başlıq sisteması” isemle xäbärendä Ak partiya çığanaqlarınıñ başlıq sistemasın da üz êçenä aluçı töp qanun üzgäreşe mäs’äläsendä citdi êşçänlekneñ buluın, moña 10 kön êçendä soñğı şäkel biräçäklären citkerüen yaza.

Xäbärgä kürä çığanaklar Premyer-ministr Binali Yıldırımnıñ liderlar belän bolay da töp qanun üzgäreşe bäyläneşendä söyläşü ütkäräçägen xäterlätep, ayırım çınğa aşırıluı planlanğan bu söyläşülärdä üzgäreş yul kartasınıñ açıqlanaçağın belderde.

Gazet yazuınça Ak partiyaneñ mäclestä başlıqnı sanamıyça 316 urını bar. Töp qanun üzgäreşlärendä referendumnıñ ütkärelüe öçen 330 xalıq ışanıçlısınıñ tawışı kiräk.

“Yäni Şafak” gazetı “AQŞ Süriyädä törekmännärgä ut açarğa äzerlänä” isemle xäbärendä Süriyäneñ tönyağına “DEAŞ” terror oyışmasın säbäp kürsätep, PKK terror oyışmasın urnaştırğan AQŞnıñ şul uq närsäne Ğiraqnıñ Musul şähärendä dä başqarırğa äzerlänüen yaza.

Xäbärdän kürengänçä “DEAŞ” terror oyışması qulındağı Musulnıñ qotqarıluı öçen Törkiyäne oyıştırılaçaq operaśiya çitendä totırğa teläwçe AQŞ PKK terror oyışması häm şiğıy törkemnär arqasında qurqınıç uyın planlıy. Planğa kürä “DEAŞ” Musul xalqı belän Tel Afärgä söreläçäk häm 450 meñ keşe yäşägän törekmän şähäre Tikrittä barlıqqa kilgän sönni küpläp üterüläre Musulda da küzätelä başlayaçaq.

İkençe yaqtan 1 millionnan artıq Musul keşese küçerelgännän soñ “DEAŞ”lılar qaçqan törekmän şähäre Täl Afär isä AQŞ häm koaliśiya oçqıçları tarafınnan terrorçılar buluı nigeznamäse belän yuqqa çığarılaçaq.

 “Watan” gazetı “Bötendönya investiśiya oçraşuı İstanbulda oyıştırılaçaq” isemle xäbärendä İstanbul şähärendä soñğı waqıtta bik möhim cıyılışlarnıñ uzuın yaza.

Xäbärgä kürä Bötendönya Ênergetika kongresınnan soñ comğa könne dä 100dän artıq investiśiya agentlığı başlığı qatnaşında Bötendönya İnvestiśiya oçraşuı oyıştırılaçaq.

Gazet yazuınça oçraşunıñ Törkiyädä uzaçağı Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüenä qarşı birelgän iñ yaxşı cawaplardan berseder. Bötendönya İnvestiśiya agentlıklar berlege 170tän artıq investiśiya agentlığı wäkillek itelgän oyışma bulıp tora.

Xäbärdän kürengänçä Dönya bankı, Xalıqara êş oyışması, İslam qalqınu bankı, İqtisadi qalqınu häm xezmättäşlek oyışması OECD kebek oyışmalarnıñ yuğarı däräcäle citäkçeläre cıyılışta qatnaşaçaq, möhim kileşülär imzalanaça. Dönyadağı turıdan investiśiyalär belän bäyle barış bolardan cawaplı oyışmalar alıp baraçaq strategiya cähatennän bilgeläwçe bulaçaq.