Törek matbuğatına küzätü 10.10.2016

“Xörriyät” gazetı “Kontrol punktında 5 tonna bombalı xain höcüm” isemle xäbärendä Törkiyädä Hakkarinıñ Şämdinli ilçäsendä terrorçılarnıñ jandarmeriya kontrol punktına 5 tonna bomba töyälgän yök maşinası belän höcüm itüe turında yaza.

 Xäbärdän kürengänçä, “PKK”lı terrorçılarnıñ höcümendä 10 ğaskäri häm tınıç xalıqtan 8 keşe şähit buldı, 11 e ğaskäri 27 keşe yaralandı.

”Sabah” gazetı “Şämdinledä höcüm“isemle xäbärendä Törek Qorallı Köçläre operaśiyälärendä zur zıyan kürgän “PKK”nıñ Hakkari Şämdinledä höcüm oyıştıruın xäbär itä.

 Gazet yazuınça, höcümdä 10 sı ğaskäri tuplam 18 keşe şähit buldı. İlbaşı Räcäp Tayyip Ärdoğan xalıq çitläşkän “PKK” terror oyışmasınıñ “FETÖ” häm “DEAŞ” terror oyışmaları kebek  barlığın isbatlarğa tırışuına iğtibarnu yünältte.

 Premyer-ministr Binali Yıldırım citdi külämdä köç yuğaltqan “PKK” terror oyışmasınıñ intixar höcümnärenä kereşüen belderde. Törek Qorallı Köçläre dä bu höcümneñ qaqşağan oyışmanıñ käyefen kütärü öçen oyıştırılğan xain höcüm buluın citkerde.

”Star” gazetı “Ğiraq artilleriyäse belän Başikağa höcüm” isemle xäbärendä Hakkaridağı “PKK” höcümennän berniçä säğättän soñ “DEAŞ” terror oyışmasınıñ Ğiraq armiyäsennän üz qullarına töşergän artilleriya tubı belän Ğiraqnıñ Musul qalasındağı Törkiyä xärbi lagerı Başikağa höcüm itüe turınfa yaza.

 Törek Qorallı Könçläre şunduq cawap qaytarğan höcüm belän “DEAŞ” nığıtması yuqqa çığarıldı. “DEAŞ”nıñ keşesez oçu apparatı da bärep töşerelde.

”Vatan” gazetı “Dönyadağı iñ köçle täğayen dos’ye”isemle xäbärendä Törkiyä ğadälät ministrı Bäkir Bozdağnıñ 26-27 oktyabr’ könnärendä “Fätullahçı terror oyışması” başlığı Fätullah Gülänne kire qaytarıp birü belän bäyle söyläşülär ütkärü öçen Amerika Quşma Ştatlarına kitäçäge turında beldrüen citkerä.

Xäbärdän kürengänçä, Bozdağ qaytarıp birü dosyesınıñ dönyadağı ürnäklar belän çağıştırğanda iñ tögäl, in ışanıçlı, iñ köçle dos’ye buluın assızıqladı.  Kire qaytarıp birü qararınıñ nigezdä xöküm çığaru qısasında bulmawına basım yasawçı Bäkir Bozdağ AQŞ citäkçelege telägän oçraqta mäxkämädän başqa yünäleştä qarar çıqmayaçağın belderde.  

”Xäbär Türk” gazetı “Ênergiya tınıçlıq çığanağı bulırğa mömkin” isemle xäbärendä Törkiyä ênergetika häm tabiği çığanaqlar ministrı Bärat Albayraknıñ kiçä İstanbuda başlanğan 23 nçe Bötendönya ênergetika kongressında yasağan çığışında tınıçlıqqa basım yasawın uquçıları belän urtaqlaşa.

Albayrak üz çığışında tübändägelärne citkerde:” Ênergiya diplomatiyäneñ nigeze, ênergiya çığanaqları bäreleşlärneñ tügel,tınıçlıqnıñ çığanağı bulırğa mömkin. Global’ kompan’onnar biredä tınıçlıq öçen urtaqlaşu faktına üzlärennän öleş kerter dip ışanıp qalabız”.