Törek matbuğatına küzätü

“Watan” gazetı “BMOda daimi äğzalär 20 bulsın” isemle xäbärendä Xalıqara belem häm texnologiya konferenśiyasendä Berläşkän Millätlär Oyışmasınıñ qorılışı beläñ bäyle açıqlaw yasağan Törkiyä ilbaşı Räcäp Tayyip Ärdoğannıñ BMO İminlek şurasınıñ 5 bulğan daimi äğza sanın 20gä citkerelüen täqdim itüen yaza.

Xäbärgä kürä ilbaşı şuradağı 10 äğza ilneñ ike yılda ber üzgärgän oçraqta 193 äğzaneñ çiratlaşıp, äğza bula alaçağın belderde. Törkiyä bularaq bu problemağa “Dönya 5tän zurraq” diyep, rizasızlıqların däwam itteräçäklären citkergän Ärdoğan dönyada tınıçlıq urnaştıru belän bäyle qararlarnı 5 äğzaneñ genä birüeneñ qabul itelmäs buluın, dönyada ğadelsezlekne beterü öçen qorılğan BMOnıñ bügenge köndäge êşçänlegen citärle däräcädä cirenä citkermäwen äytte.

“Xäbär türk” gazetı “Törkiyäneñ Pentagonı” isemle xäbärendä xökümätneñ Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüennän soñ xärbi oyışmaların şähär çitenä küçerüenä qarağan qararnı çınğa aşıru öçen êşkä kereşüen yaza.

Xäbärdän kürengänçä Milli küzläw oyışması öçen Änkaranıñ Ätimäsgut bistäsendä tözelgän yaña bina urın alğan töbäk “iminlek şähärçege” bulaçaq. Ğomüm ştab räislege belän ber rättän Milli saqlanu ministrlığı häm köç citäkçelekläre bu töbäktä cıyılaçaq. İminlek oyışmaları ber üzäktä êşçänlek başqaraçaq.

“Xörriyät” gazetı “Töreklärneñ xis-toyğıların añlıy almadıq” isemle xäbärendä Amerikan citäkçelegeneñ 15nçe iyul’ könge tüntäreleş kereşüenä kürsätkän reakśiyane tänqitläwçelär arasına däwlät başlığı Barack Obama ışanğan isemnärdän berse bulğan Filip Gordonnın da quşıluın häm “AQŞnıñ tüntäreleşne tübänsetü awışuı arqasında töreklärneñ xis-toyğıların añlıynda töreklärneñ xis-toyğıların añlıy almadıq,” – dip ätüen citkerä.

Gazet yazuınça Gordon citäkçelekneñ töreklär kiçergän travmanı döres bäyäli almawın äytkän.

“Sabah” gazetı “PKK terror oyışması kanalı Franśiyada iyärçennän çığarılğan” isemle yazmasında Awrupadan tapşırıluçı PKKnıñ televideniye kanalınıñ iyärçennän çığarıluın uquçıları belän urtaqlaşa.

Xäbärgä kürä monnan alda yabıluı öçen Törkiyä dä taläp kürsätkän kanal fransuz iyärçen şirkäte Eutelsat tarafınnan düşämbe könne Törkiyä waqıtı belän 11.00dä tuqtatılğan.

“Yäni Şafak” gazetı “Dönya şempionnarı” isemle yazmasında Törkiyäneñ Peruda oyıştırılğan 10nçı Bötendönya Têkvondo Poomse çempionatında 16 medal’ belän ikençe buluın citkerä.

Xäbärdän kürengänçä Bötendönya Têkvondo federaśiyase tarafınnan başqala Limada oyıştırılğan çempionatta 55 ildän 760 sportçınıñ qatnaştı. Törkiyäne 20ese ir-at, 16ısı xatın-qız belän ber rättän barlığı 36 sportçı wäkillek itte.

Xäbärgä kürä Törkiyä 5 altın, 4 kömeş häm 7 bronza medal’ aldı. Barlığı 16 medal’ qazanğan Törkiyä Könyaq Koreyadan soñ ikençe buldı.