Törek matbuğatına küzätü

“Star” gazetı “NATO öçen bik ähämiyätle sez” isemle xäbärendä Törkiyä ilbaşı Räcäp Tayyip Ärdoğannıñ NATO ğomüm särqätibe Stoltenbergnı İlbaşı kölliyätendä qabul itüen yaza.

Xäbärgä kürä Stoltenberg: “Säfärem Törkiyäneñ NATO öçen bik möhim berlektäş buluınıñ dälileder,” – digän.

“Yäni Şafak” gazetı “Obamanı alığız, Ärdoğannı biregez” isemle yazmasında “İqtisadnın marketing atası” bularaq belenüçe bar dönyağa tanılğan Amerikan iqtisadçısı Arthur Laffernıñ Törkiyä-AQŞ eş şurasınıñ çaqırulı qunağı bularaq Törkiyägä kilüen citkerä.

Gazet yazuınça Laffer Änkarada ber seminardan alda yasağan açıqlawında: “Naçar iqtisadnı kürergä telisez ikan, AQŞqa kilegez. Sezgä şundıy täqdimem bar: Obamanı alığız, Ärdoğannı biregez. Törkiyädä salım häm xosusilaştıru mäs’älälärendä alıp barılğan êşçänleklär alqışqa layıq. Bu räweşle däwam itsägez, mullıq külämegez artaçaq,” – digän.

“Sabah” gazetı “Soltan Söläymanğa cibärelgän 12 metrlık räxmät xatı kürgäzmädä” isemle xäbärendä Qanuni Soltan Söläyman ülemeneñ 450 yıllığında Vengriya başqalası Budapeştta Yunıs Ämrä İnstitutı tarafınnan “Qanuni Soltan Söläyman – Vengriyada qalğan yöräk” isemle miniatyura häm räsem kürgäzmäseneñ açıluın uquçıları belän urtaqlaşa.

Xäbärdän kürengänçä kürgäzmädä berençe taqpır Mäkkä su yullarınıñ tämamlanuınnan soñ Qanuniğa cibärelgän 12 metr ozınlığındağı räxmät xaqınıñ fotoräseme urın aldı.

“Xörriyät” gazetı “Fil’m qısqa, möhacirlek ozın” isemle xäbärendä Sabancı waqıfınıñ möhacir xatın-qızlarnıñ problemalarına iğtibarnı cälep itü öçen “Qısqa fil’m, ozın täêsir” dip atalğan qısqa metrajlı fil’m bäysegen oyıştıruın yaza.

Gazet yazuınça “Qısqa fil’m, ozın täêsir” isemle qısqa metrajlı fil’m bäygesendä berençe urınğa 15 meñ, ikençe urınğa 10 meñ, öçençe urınğa 5 meñ törek lirası külämendä aqçalata büläk bireläçäk.

Xäbärgä kürä bäygedä qatnaşırğa teläwçelär kisafilmplatformu.org adresınnan 2016nçe yılnıñ 5nçe dekabr’ könenä qadär möräcäğat itä alaçaq.

“Xäbär türk” gazetı “Orduda 2 meñ 100 yıllıq Älihä Kibälä häykäle” isemle yazmasında Könçığış Qara diñgez töbägeneñ berençe arxeologik qazularınnan berse bulğan Ordu vilayätendäge Kurul nığıtmasında 2 meñ 100 yıllıq buluı uylanılğan, yaqınça 200 kilogram awırlığındağı häm 110 cm lık märmärdän yasalğan, täxettä utıruçı Älihä Kibälä häykäleneñ tabıluın citkerä.

Gazet yazuınça matdi qimmäte zur bulğan häykäl beraz urınında toraçaq, soñınnan räsmi zatlar barıp, qarağannan soñ Ordudağı muzeyğa alıp barılaçaq.