Törek matbuğatına küzätü 25.08.2016

“Xäbär Türk”gazetı  “Färatnıñ könbatışına qalqan” isemle xäbärendä Törkiyäneñ Süriyä çik buyında Färatnıñ könbatışında qalğan töbäk belän bäyle xalıqara cämäğätçelek däräcäsendä kisätülärennän soñ kritik ähämiyätkä iyä bulğan Cärablus öçen xärbi xäräkät başlatuın xäbär itä.

 Gazet yazuınça, Törkiyä ilbaşı Räcäp Tayyip Ärdoğan Törek Qorallı Köçläre xäräkäten “Daimi räweştä ilebezgä annan yanawçı “DEAŞ”,”PYD” terror oyışmalarına armiyäbez operaŝiya başlattı”dip belderde.

”Färat qalqanı”xäräkätendä cir östennän artilleriya häm hawadan F-16 lar belän başqarılğan operaŝiyädä İrekle Süriyä armiyäse Törkiyä tankları belän bergä Süriyägä kerde.Cärablus kiçke säğätlärdä kontrol’ astına alındı.

”Vatan” gazetı “DEAŞ”qaça, “PYD” çigenä” isemle xäbärendä  Törek Qorallı Köçläreneñ “DEAŞ”terror oyışması qulındağı Cärablusnı alu häm “PKK” terror oyışması törkeme “PYD”nı Färatnıñ könçığışına çigenderü öçen süriyäle oppoziŝionerlar belän bergä êşkä kereşüen xäbär itä.

 Xäbärdän kürengänçä,“Färat qalqanı”isemle operaŝiya belän töbäk 12 säğättä “DEAŞ”tan arındırıldı. Änkaranıñ “PYD”Färatnıñ könbatışında qaluın däwam ittersä zarur bulğannı başqaraçaqbız”belderüennän soñ “PYD” ”Färatnıñ könçığışına çigenäbez”dip belderde.

”Xörriyät” gazetı” Baydın körd koridorı bulmayacağın belderde” isemle xäbärendä “Fätullahçı terror oyışması/parallel’ däwlät qorılışı”nıñ 15 nçe iyül’ tüntäreleş kereşüennän soñ Änkarağa kilgän berençe yuğarı däräcäle Amerika Quşma Ştatları räsmi zatı viŝe-prezident Djo Baydınnıñ tüntäreleş kereşüe waqıtında bombalanğan Törkiyä Böyek Millät Mäclesen qarawın citkerä.

İlbaşı Ärdoğan tarafınnan qabul itelgän Baydın premyer-ministr Binali Yıldırım belän ütkärgän matbuğat oçraşuında isä “YPG”Fıratnıñ könçığışına çigenmägän oçraqta AQŞtan yärdäm ala almayacağın belderde.

“Star” gazetı “Baydın”Ğafu ütenäm, êlegräk kilä alsa idem”dide” isemle xäbärendä  Amerika Quşma Ştatları viŝe - prezidentı Baydınnıñ tüntäreleş kereşüennän soñ şunduq Törkiyägä kilä almawı belän bäyle”Amerika xalqı sezneñ yanığızda. Barak Obama berençe bulıp şaltıratuçılar arasında ide. Bu tüntäreleş kereşüenä tiyeşençä reakŝiya belderä almağanğa kürä üzem kildem. Ğafu ütenäm, irtäräk kilä alğan bulsa idem”dip äytüen citkerä.

 “Sabah” gazetı “Ärdoğan Gülänneñ qulğa alınuı kiräklegen belderde” isemle xäbärendä Törkiyä ilbaşı Räcäp Tayyip Ärdoğannıñ  AQŞ viŝe-prezidentı Djo Baydınnı qabul itkännän soñ ütkärelgän urtaq matbuğat oçraşuında “FETÖ”citäkçese Gülänneñ terror oyışmasın idarä itüne däwam itterüenä basım yasap, anı kontrol astunı alunıñ barıi tik qulğa häm saq astına alu belän mömkin bulacağı turında äytüen citkerä.