Törek matbuğatına küzätü 23.08.2016

“Yäni Şafak” gazetı “Törkiyä ut açtı” isemle xäbärendä Törkiyäneñ AQŞ häm PKK/PYD Süriyäneñ tönyağında barlıqqa kiterüne maqsat itkän terror koridorına qatışuın yaza.

Xäbärgä kürä çik buyındağı Dawıl gaubiśaları Cerablustağı “DEAŞ” maqsatları belän Münbiçneñ tönyağındağı PKK/PYD urınnarına ut açtı. Cerablusnı “DEAŞ”tan üz qulına töşerergä tırışqan PYD kire çigelde.

Gazet yazuınça Törkiyä Süriyäneñ tönyağında de-faktonıñ barlıqqa kilüenä röxsät birmäyäçägen tağın ber tapqır kürsätte.

“Xäbär türk” gazetı “Zäybäkçi Hollandiya häm italiyağa baraçaq” isemle yazmasında Törkiyäneñ iqtisad ministrı Nihat Zäybäkçineñ 15nçe iyul’ könge tüntäreleş kereşüennän soñ ike yaqlı säwdä hän iqtisadi mönäsäbätlärneñ wazğiyäten küzdän kiçerü, yaña xezmättäşlek mömkinleklären bilgeläw häm fiker alışu öçen Hollandiya häm İtaliyağa säfär yasayaçağın citkerä.

Xäbärdän kürengänçä sişämbe könne Hollandiyaneñ Gaaga şähärendä söyläşülärdä qatnaşaçaq Zäybäkçi çärşämbe könne isä İtaliya başqalası Rimğa baraçaq.

“Xörriyät” gazetı “Küçenü başladı” isemle xäbärendä 15nçe iyul’ könge tüntäreleş kereşüennän soñ qabul itelgän qarar buyınça qazarmalarnı şähär üzäklärennän küçerü barışınıñ başlanuın yaza.

Gazet yazuınça İstanbul Äsänsärdäge Baştabya qazarması Täkirdağnıñ Çorlu ilçäsenä, Änkara Ätimäsgut häm Mamaktağı qazarmalar da Çankırığa küçenä başladı.

Xäbärgä kürä qazarmalardan berençe tanklar çıqtı. Änkara häm İstanbuldağı köbäle berleklärneñ 11nçe sentyabr könenä qadär şähär çitenä çığarıluı planlana.

“Star” gazetı “İkençe yärdäm köymäse bäyrämdä Ğazzädä” isemle yazmasında Törek Qızılayınıñ êçendä azıq-tölek, daru, podguznik, cıyıştıru materialları, mäktäp buqçaları häm kanśelyariya äsbapları bulğan yärdäm köymäsen Qorban bäyrämendä Ğazzägä cibärergä äzerlänüen uquçıları belän urtaqlaşa.

Gazet yazuınça köymäneñ Märsin portınnan quzğalaçağı belderelde. Qızılay ğomüm başlığı Käräm Kınık 10 meñ tonnalık yärdäm köymäseneñ yulğa çığuı öçen äzerlänülären açıqlap, Ğazzägä 2-3 ayda ber tapqır yärdäm köymäse cibärüne planlawların citkerde.