Törek matbuğatına küzätü 02.08.2016

”Yäni Şafak”gazetı “AQŞ yä Gülänne, yäisä 79 millionnı saylayaçaq”isemle xäbärendä Törkiyä premyer-ministr urınbasarı häm xökümät süzçese Numan Kurtulmuşnıñ Amerika Quşma Ştatlarınıñ duslıq ,berlektäşlek kirägençä “Fätullahçı terror oyışması” citäkçese Fätullah Gülänne kire qaytarıp birüe kiräklegen belderüe turında yaza

 Kurtulmuş:”Amerika öçen ber terrorçınıñ anda yäşäwe möhimme, yäisä 79 million keşeneñ  duslığımı?”dip soradı.  

“Xörriyät” gazetı “AQŞ komandirına“Fätullahçı terror oyışması”dos’yesı”isemle xäbärendä Änkarağa kilgän Amerika Quşma Ştatları ğomum ştab başlığı general Djozef Danfordqa Fätullah Gülän xaqında centekle mäğlümat birelüe häm anı Törkiyägä qaytarıp birü öçen yärdäm soraluı turında yaza.

Xäbärdän kürengänçä, Törkiyä ğomum ştab başlığı armiya generalı Hulusi Akar Danford belän oçraşuında  “Fätullahçı terror oyışması”nıñ Törek Qorallı Köçläre häm däwlätneñ kritik büleklärendä yäşeren räweştä qorılışı xaqında mäğlümat birde ,armiya generalı Akar Törkiyäneñ Gülänne kire qaytarıp birü belän bäyle räsmi yazu häm dokumentlarnı Danfordqa  tapşırıp anı qaytarıp birü öçen yärdäm soradı.

“Xäbär Türk” gazetı “Armiya generalı Akar “Tağın nindi dälil, min-üzem dälil”dide” isemle xäbärendä Amerika Quşma Ştatları ğomum ştab başlığı Djozef Danfordnıñ Törkiyä ğomum ştab başlığı armiya generalı Hulusi Akar belän bergä Törkiya Böyek Millät Mäclesenda bombalanğan urınnarnı qarawın xäbär itä.

Gazet yazuınça,Danford törek xalqınıñ häm armiya äğzalarınıñ qayğısın urtaqlaştı. Fätullah Gülänne Törkiyägä kire qaytarıp birü mäs’äläsenä Danford AQŞta xoquq sisteması êçendä taläplär häm dälillär iğtibarğa alınıp bäyäläw yasalaçağın beldergäç, Törkiyä ğomum ştab başlığı  Hulusi Akar”Tağın nindi dälil,min-üzem dälil” dip cawap qaytardı.

“Sabah”gazetı “Törek hawa yulları qaharmannarnı mäñgeläşterde”isemle xäbärendä Törek hawa yullarınıñ İstanbul Atatörek hawa mäydanınıñ xalıqara oçışlar terminalındağı CIP (Commercially Important Person) zalın “15 nçe iyül’ demokratiya qaharmannarı” zalı itep üzgärtü qararı qabul itüen uquçıları belän urtaqlaşa.

 Törek hawa yulları idarä şurası häm başqarma komitetı başlığı İlkär Avcı Törkiyäneñ 15 nçe iyül tönendä bik möhim däwer aşa uzuın häm bu tarixi könne harwaqıt xäterläw öçen mondıy qarar qabul itülären citkerde.  

“Vatan”gazetı” Rusiya belän mönäsabatlärne cayğa salu zakazlarğa yul açtı”isemle xäbärendä İstanbul metallurgiya eksportı berlekläre tözeleş materialları komitetı başlığı Särdar Urfalılarnıñ Rusiya belän Törkiyä arasındağı ike yaqlı mönäsäbätlärne cayğa salunıñ il säwdäsenä, ayıruça tözeleş tarmağına zur öleş kertäçäge turında äytüen belderä.

Särdar Urfalılar “Rusiya 2015 nçe yılda 7 milliard 200 million dollar häm 2014 nçe yılda 12 milliard 500 million dollar tözeleş materialları importladı”dip citkerde.