Törek matbuğatına küzӓtü

“Watan” gazetı “Germaniyaneň qararı ӓhӓmiyӓtsez”  isemle xӓbӓrendӓ Germaniyaneň güyӓ ӓrmӓn dӓğwaların xuplawına Törkiyӓneň qırıs rӓweştӓ reaktsiya belderüen yaza.

Xӓbӓrgӓ kürӓ reaktsiyalӓrdӓ qararnıň “tarixi xata” hӓm “oyat” buluı assızıqlandı. Törkiyӓneň tışqı eşlӓr ministrlığı “ӓrmӓn aňlatmasın bӓxӓslӓşelmӓs çınbarlıq kebek kürsӓtergӓ tırışuçı, xoquqqa xörmӓt belӓn qaramaw ürnӓgendӓge qarar” dide.

“Star” gazetı “Nusaybin uramnarında Törkiyӓ gimnı yaňğıradı” isemle yazmasında PKKlı terrorçılar çoqırlar qazıp, barrikadalar qorğan, watandaşnıň öylӓren basıp, talağan, mӓçetlӓrne hӓm Qor’ӓnne yandırğan Mardinneň Nusaybin ilçӓseneň 97%ı iminlek köçlӓre tarafınnan kontrol astına alınuın citkerӓ.

Xӓbӓrgӓ kürӓ operatsiya barğan ilçӓdӓ irtӓ belӓn Törkiyӓ gimnı yaňğıradı. İminlek köçlӓre tarafınnan başqarılğan Törkiyӓ gimnı bar ilçӓgӓ işetelde.

Xӓbӓrdӓn kürengӓnçӓ AQŞ hӓm Rusiyӓneň Süriyӓdӓ YPG terror oyışmasına birgӓn qorallarnı Nusaybingӓ kitergӓn PKKlı terrorçılar birelӓ yӓisӓ oyışmadan qaça.

“Yӓni Şafak” gazetı “Saqlanuğa 3 yaňa şirkӓt” isemle xӓbӓrendӓ proyektlaw, programma, citeşterü hӓm logistik ölkӓlӓrendӓ 15 şirkӓt belӓn xezmӓt kürsӓtüçe Saqlanu sӓnӓgӓte kiňӓşmӓ idarӓseneň 3 yaňa şirkӓt qoruın uquçıları belӓn urtaqlaşa.

Gazet yazuınça saqlanu sӓnagӓte hӓm aviatsiya öçen kirӓkle texnologiyalӓrne xuplaw maqsatı belӓn Saqlanu sӓnӓgӓtlӓre texnologiyalӓre aktsionerlık cӓmğiyӓten qorğan kiňӓşmӓ idarӓse Türk Nano hӓm Türk test iseme astında tağın 2 şirkӓt qoru qararın aldı.