Törek matbuğatına küzӓtü

“Sabah” gazetı “Zur proyektka mӓgnӓle sӓfӓr” isemel xӓbӓrendӓ Törkiyӓneň üsep, zurayuın telӓmӓwçe qayber dairӓlӓrneň maqsatına ӓylӓngӓn zur proyektlardan İstanbuldağı dönyanın iň zur hawa mӓydanı proyektınıň barlıq kirtӓlӓrgӓ qaramastan tizlek kimetmiçӓ dӓwam itüen yaza.

Xӓbӓrgӓ kürӓ Törkiyӓ ilbaşı Rӓcӓp Tayyip Ӓrdoğan 20%ı tӓmamlanğan yaňa aeroportka bardı. Ӓrdoğannıň bu sӓfӓre qayber dairӓlӓrgӓ yullama üzençӓlegendӓ buldı.

Gazet yazuınça tӓmamlanğanda 150 million yulçını sıydıraçaq dönyanıň iň zurısı bulaçaq proyektnıň berençe etabınıň 2018nçe yılnıň fevral ayında açıluı kötelӓ.

“Watan” gazetı “100 keşedӓn 75e Awrupa Berlegenӓ quşılunı xuplıy” isemle xӓbӓrendӓ İqtisadi qalqınu waqıfı başlığı Ayhan Zӓytinoğlunıň: “Törkiyӓdӓ cӓmӓğatçelekneň 75,5%ı Awrupa Berlegenӓ ӓğza bulunı xuplıy” – digӓn süzlӓren uquçıları beӓn urtaqlaşa.

Xӓbӓrgӓ kürӓ waqıfnıň anketasına kürӓ 2015tӓ 61,8% bulğan xuplaw külӓme 13 oçkoğa kütӓrelde. Xuplawçılarnıň 45,4%ı ӓğzalek yӓrdӓmendӓ mullıqnıň artuı, 35,8%ı Awrupada sӓyӓxӓt, yӓşӓw hӓm belem alu mömkinlege, 33,8%ı keşe xoquqlarında alğarış kötkӓne belӓn ӓğzalekne xuplawın citkerde.

“Yӓni Şafak” gazetı “Üseş dӓwam itӓçӓk” isemle yazmasında sӓnӓgӓt citeşterüeneň berençe çirektӓ 5,6%ka artıp, üsüneň köçle qalaçağına işarӓt itüen citkerӓ.

Xӓbӓrdӓn kürengӓnçӓ üsüneň iň möhim kürsӓtkeçlӓrennӓn bulğan sӓnӓgӓt citeşterüe eksportka tayanğan tarmaqlarnıň xuplawı belӓn mart ayında da 4,7%ka kütӓrelde. Dönyakülӓm bazarlarda hӓm töbӓgendӓ küzӓtelgӓn şaqtıy tӓraqqıyӓtkӓ qaramastan sӓnӓgӓttӓge üsüneň köçe buluı Törkiyӓ öçen möhim uňış bularaq bӓyӓlӓnӓ.

“Star” gazetı “Çikkӓ qorallı keşesez oçu apparatları kilӓ” isemle xӓbӓrendӓ Ğomüm ştab başlığı, Armiya generalı Hulusi Akar manyevr hӓm kürü sӓlӓte belӓn bӓyle tikşerülӓr dӓwam itüçe qorallı keşesez oçu apparatlarınıň qısqa waqıtta qullanıla başlanacağın citkerde.

Xӓbӓrgӓ kürӓ qorallı keşesez oçqıçlar ayıruça tiskӓre hawa şartlarında bik yaxşı nӓticӓlӓr birde. Bu mӓs’ӓlӓdӓ AQŞta citeşterelgӓn keşesez oçu apparatların da uzdı.

“Xӓbӓr türk” gazetı dönyadağı “tınıç şӓhӓrlӓr” isemlegenӓ kergӓn Ӓrzurumnıň Uzundӓrӓ ilçӓseneň kertelӓçӓk yaňa investitsiyalӓr belӓn turizmnı üsterergӓ planlawın yaza.

Xӓbӓrgӓ kürӓ meňnӓrçӓ yıllıq tarixi hӓm tabiği güzӓlleklӓre bulğan Uzundӓrӓdӓ kilüçelӓr öçen yaňa urınnar barlıqqa kiterelӓçӓk. Törkiyӓneň iň biyek şarlawığı urın alğan Uzundӓrӓdӓ 11 çaqrım ozınlığındağı Tortum küle hӓm 7 keçkenӓ kül bar.

Gazet yazuınça gruzinnar tarafınnan tarixi bulıp qabul itelüçe Öşvank monastıre hӓm tarixi nığıtmalar kilüçelӓrneň qızıqsınuın uyata.