Törek matbuğatına küzätü

“Sabah” gazetı “Vizasız Awrupa qapqası açıla” isemle xäbärendä Awrupa Berlege Komissiyaseneñ Törkiyä watandaşları öçen vizalarnıñ iyun ayında beterelüen sorawçı kiñäş qararın qabul itüen yaza.

Xäbärgä kürä Törkiyäneñ viza öçen kiräkle 72 kriteriydan 67esen cirenä citkerüen assızıqlawçı kiñäş üzençälegendäge älege qarar Awrupa Parlamentı häm Awrupa Berlege Şurasına täqdim iteläçäk. Bu etaplarnı uzğannan soñ Awrupa Berlegenä vizasız säyäxät çorı räsmi räweştä başlanaçaq.

Gazet yazuınça Törkiyä watandaşları 26 äğza il häm 3 şähär-däwlättä 90 kön vizasız qala alaçaq. Awrupa Berlege ministrı Volkan Bozkır Awrupa Berlege belän vizasız säyäxät öçen cirenä citkerelüe kiräkle kriteriydan berse bulğan Terrorçılıq belän köräş qanunındağı üzägreşneñ çınğa aşırılmayacağın açıqladı.

Xäbärdä Bozkırnıñ: “Mondıy üzgäreş säyäsi yaqtab häm wöcdan bularaq mömkin tügel,” – digän süzläre urın ala.

“Yäni Şafak” gazetı “PKK “DEAŞ” qadär wäxşi” isemle xäbärendä Törkiyäneñ “DEAŞ” terror oyışması belän köräştä Süriyädäge legal’ oppozitsiya urınına PKK terror oyışmasınıñ Süriyädäge törkeme PYD belän urtaq totış kürsätüçe illärgä qarata diplomatiya adımın başlatuın citkerä.

Xäbärdän kürengänçä Törkiyä bu qısada PYD häm “DEAŞ”nıñ oxşaş ğamäl başqaruın kürsätäçäk. Änkara AQŞ häm Awrupa belän ber rättän möselman illärenä tübändäge ürnäkne kürsätäçäk: PYD häm “DEAŞ” oppozitsiyaçellärneñ mäyetlären yök maşinalarına töyäp, gizderä; här ike oyışma da intixar bombacıları yärdämendä tınıç xalıqnı üterä häm bombalı transport çaraları belän höcüm oyıştıra; “DEAŞ” terror oyışması Kilis şähärenä raketa ırğıta, Katyuşa raketaları könyaq könçığış Anadolu töbägendä dä PKK tarafınnan qullanıla.

“Watan” gazetı “İzrailneñ NATO ofisına 6 aydan soñ raslaw çıqqan” isemle xäbärendä Änkaranıñ İzrailğa NATO jestın yasawın yaza.

Xäbärgä kürä Änkara İzrailneñ Tönyaq Atlantik Xalıqara Kileşüe Oyışması NATOnıñ Belgiya başqalası Brüsseldağı üzägendä wäkillek açuına raslaw birde.

Gazet yazuınça İzrailneñ wäkillek açu taläbe 2010nçı yılda 9 Törkiyä watandaşı yaqtı dönyadan kitkän Mavi Marmara höcümennän soñ Änkara quyğan veto arqasında tuñdırılğan ide.

Xäbärdä Törkiyäneñ Mavi Marmaradan soñ İzrailneñ NATOnıñ urtaq xärbi künegülärendä qatnaşuın veto itüe urın ala.

Xäbärgä kürä İzrail häm törek räsmi zatları mönäsäbätlärneñ cayğa salınuı maqsatı belän bu ay urtalarında tağın ber tapqır küreşep söyläşäçäk.

“Xäbär türk” gazetı “3 ülçämle mozaika” isemle yazmasında Hataydağı arqanlı yul eşçänlekläre waqıtında tabılğan skelet mozaikasınnan soñ yaqınça 2 meñ yıl elekkegä xas bulğan yaña mozaikalarnıñ tabıluın citkerä.

Gazet yazuınça älege mozaikalar 3 ülçämle häm qayberlärendä imza bar. Mäsälän, 1800 yıllıq ber mozaikada mifologiyadağı dastan häm şiğırneñ ilham päriye bulğan Kalliope häm Hesiodos canlandırılğan.

Xäbargä kürä ilham päriye kiyemnäre bügenge kön modasına yaqın bulıp kürenä. Külmäge, ayak kiyemnäre häm baş kiyeme belän modanın ilham päriye kebek.