Törek matbuğatına küzätü 26.04.2016
26nçe aprel könne basılıp çıqqan qayber törek gazetlarına küzätü
![Törek matbuğatına küzätü 26.04.2016](http://cdn.trt.net.tr/images/xlarge/rectangle/ee97/359f/e257/571f54dd27921.jpg?time=1718778967)
Törek matbuğatına küzätü 26.04.2016
26nçe aprel könne basılıp çıqqan qayber törek gazetlarına küzätü
“Star” gazetı “terrorçılıqqa yärdäm itü- azatlıq mäğnäsenä turı kilmiy” isemle xäbärendä
“Konstitutsiya sudı (AYM) başlığı Zühtü Arslannıñ terrorçılıqnı häm höcümne xuplawçı süzlärneñ süz irege mäğnäsenä turı kilmiyäçäğen söylägänen yaza.
Gazet terror belän süz irege arasındağı elemtägä qağılıp kitkän Arslannıñ:
“Süz irege demokratiyälärdä iñ täsirle mäsäläläre da irekle räweştä bäxesläşü häm çişeleş kiñäşläre saqlanırğa mömkinlek tämin itä. Monıñ aldağı şartı isä terrornı, höcümne häm höcüm telen kire qağu. Terrorçılıqnı häm höcümne xuplawçı süzlär süz iregeneñ saqlaw astında tügelder.Çönki terrorçılıq häm höcüm başlanğan urında cirdä süzneñ köçe qalmas” ,dip bäyälänüen citkerä.
“Yäni Şafak” gazetı “Afrika Törkiyägä räxmätlären belderä” isemle xäbärendä
Afrikalı sıyınuçılar kütärgän törek bayraqları häm Törkiyä däwlät başlığı Räcäp Tayyip Ärdoğanğa räxmät belderü yullamalarnı eçenä alğan plakatlar belän Könyaq Afrika Cömhüriyäteneñ Cape Town şähärendä oçraşqannar dip belderä.
Gazet sıyınuçılarnıñ Törkiyäneñ häm Ärdoğannıñ zıyan kürüçe keşelärne üz saqlaw astına alğan, böten möselman illär öçen ber rol-model buluın beldergäneñ xäbär itä.
Xäbärdän kürengänçä, Marokkolı akademik Dr. Mustafa Saidi dä İslam dönyasında ber lider ezlänülärdä buluın, Ärdoğannıñ şäfkät itüçelek häm liderlik isemennän kamil ber citäkçelek köçe buluın söyläde.
“Sabah” gazetı “Ärdoğannıñ bülmäse serial töşerü urını buldı” isemle xäbärendä
Antaliyada yasalğan G20 ciyılışlarınıñ turizm tarmağın xäräkätländergänen belderä.
Xäbärgä kürä, Törkiyä ilbaşı Räcäp Tayyip Ärdoğannıñ G20 ciyılışları waqıtında qalğan Antaliyadağı villası belän Yaqın Könçığışlı serial rejisserları bik qızıqsınğan.
Xäbärdän kürengänçä, Villanı serial urınına äyländergän “Zur öy” serialnıñ rejisserları, öç atna buyınça 70 keşelek törkeme qalğan oteldä 3 ay däwam itäçäk serial töşerüen alıp baralar.
Gazet Marokko, Süriyä, Soğud Ğärapstan, Yordaniya, Livan häm Dubaidän kilgän rejisserlarnıñ Ärdoğannıñ qalğan bülmädä serial töşerü öçen çiratqa tezelgänen yaza.
Xäbärgä kürä, Antaliyada ğäräp türistlarınıñ urınnı aldan ayırıp qalu da zur artış kürsätte.
“Xörriyät” gazetı “İstanbul yaz rallisı” isemle xäbärendä
İstanbul Parknıñ “Klassik avtomobil yaz rallisı 2016” nı ütkärğänen yaza.
Gazet 23nçe aprel şimbä könne 100gä yaqın klassik avtomobilneñ qatnaşuı belän başlanğan yaz rallisı İstanbul häm tirä-yaqta yaqınça 220 çaqrımlıq park urınında 6 maxsus etapta ütkärelde dip citkerä.
Xäbärdän kürengänçä, .İzmitkä qadär citkän ralli Yäkşämbe könne İstanbul parkta tämamlandı; İskitkeç küreneşläre belän bay bulğan ralli tamaşaçılarına bik küñelle minutlarnı büläk itkän.
“Watan” gazetı “Nobel bülägen alğan Törek ğalim dahi balalar belän oçraşaçaq” isemle xäbärendä
Nobel Belem bülägen alğan professor doktor Aziz Sancar “Sälätle balalar oyışması” oyıştıruçılığında “Sälätle balalar köne” säbäbe belän 22nçe may könne İstanbul Yoldız Texnik Universitetında oyıştırılaçaq simpoziumda sälätle balalar belän oçraşaçaq dip citkerä.
Gazet Sancarnıñ “Sälätle balalarda motivatsiya” temalı ber çığış başqaraçağın xäbär itä.
Xäbärgä kürä, Biohimiya häm biofizika professorı Sancar uqıtuçılarğa häm äni-ätilärgä mohim kinäşlär täqdim itäçäk.
Bäyläneşle xäbärlär
![Törek matbuğatına küzätü 13.06.2024](http://cdn.trt.net.tr/images/medium/rectangle/f259/92c5/f37c/5bf7999845b23.jpg?time=1718778967)
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü