Törek matbuğatına küzätü 22.03.2016

“Xörriyät” gazetı “Äydä Asya bezne söyender” isemle xäbärendä İstanbulda 19 nçı martta oyıştırılğan ,4 keşeneñ ülemenä häm 39 keşeneñ yaralanuına säbäp bulğan İstiklal uramındağı intixar höcümendä yaralanğan 2 yäşlek keçkenä Asyanıñ baş miye häm küz operatsiyäsennän soñ yoqlatıluı turında yaza.

Gazet yazuınça, waqiğada äti-änise belän bergä awır yaralanğan Asyağa härkem yaqlaw yullamaları cibärä. Asya öçen ber keşe “Asya terelep bezne söyender ,siña küp itep uyınçıqlar alaçaqmın”dip yazğan. 10 yäşlek Närgis tä Asyağa yazğan xatında “Min Närgis, üzem keçkenä bulsam da yörägem böyek. Läğnät bulsın terrorğa. Keşelär nigä ülä? Monnan soñ beräw dä terrordan ülmäsen” dip belderä.

“Sabah”gazetı “Diyarbakır yaqınlıq kürsätmäde” isemle xäbärendä tınıçlıqnı çitkä quyıp , ömetlären barrikada ,tozaqlı çoqırlarğa bağlağan “Xalıqlarnıñ demokratik”partiyäse citäkçelegenä xalıqnıñ reaktsiyäsen Diyarbakır Näwrüz parkında kürsätüen citkerä.

Xäbärdän kürengänçä,partiyäneñ çaqıruına xalıq qolaq salmadı.İminlek mödirlege mäğlümatlarına kürä ,uzğan yılğı qotlaw çaralarında 500 meñ keşe cıyılğan Näwrüz parkında bıyıl 15 meñ keşe cıyıldı. Cirle häm çit il qunaqları da qızıqsınu kürsätmägän çara jurnalistlarnıñ da iğtibarın cälep itmäde.

“Xäbär Türk” gazetı “Energetika ministrı Qıtaynı kümer tarmağında xezmättäşlekkä çaqıraçaq” isemle xäbärendä Törkiyä energetika ministrı Bärat Albayraknıñ energetika tarmağında xezmättäşlek häm kapital salırğa çaqıru öçen Qıtayğa kitüen xäbär itä.

Albayraknıñ bügen başlanğan Qıtay säfäre 25 nçe martqa qadär däwam itäçäk. Törkiyä energetika ministrı başqala Pekinda Cil üzägen qarayaçaq häm dönyanıñ tanılğan cil energiyäse firmaları citäkçeläre belän küreşep söyläşäçäk.

Şulay uq Qıtay Qalqınu bankı häm qayber finans oyışmaları belän dä söyläşülär ütkäräçäk. İnvestorlarnı Törkiyädä kapital salırğa çaqıraçaq. Albayrak Qıtaynıñ tanılğan kümer şirkätläre belän dä xezmättäşlek xaqında söyläşäçäk.

“Star”gazetı “F-16”lar urınına cirle “FX”bulaçaq”isemle xäbärendä Törkiya saqlanu sänäğäte kiñäşçese Dämirneñ kiläçäkneñ cirle “FX”xärbi oçqıçın añlatuı turında yaza.

Dämir:”F-16 lardan sabaq aldıq,2019 nçı yılda proyekt betäçäk ,2023 nçe yılda prototip çığaçaq. Soñğa qalsaq ta oçqıç yasarğa öyränäçäkbez”,-dide.

“Vatan”gazetı “Törek hawa yulları oçqıçına maxsus kürsätü” isemle xäbärendä töp sponsorı Törek hawa yulları bulğan “Batman & Superman”filmeneñ New-Yorkta tanıtu kiçäse uzuın xäbär itä. Film kinoteatrlarda kürsätelgännän soñ Törek hawa yulları oçqıçlarında kürsäteläçäk.