Törek matbuğatına küzätü 18.03.2016

“Xörriyät” gazetı “Çanakkalädä yaña şähitlär qabere tabıldı” isemle xäbärendä Törkiyädä 101 yıl elek Çanakkälädä şähit bulğan ğaskärilärneñ iskä alınuın yaza.

Xäbärgä kürä ildä tantana häm çaralar oyıltırılğanda Çanakkalä suğışlarında xärbi ştab häm xastaxanä urnaşqan Beşyol awılında şähit bulğan ğaskärilärneñ qaberläre ber ğasırdan soñ tabıldı.

Gazet yazuınça Değirmäntäpä töbägendä urın alğan 600 tiräse qaber Anafartalardağı berençe şähitlär ziratı bulaçaq.

“Star” gazetı çit il investorlarınıñ Törkiyägä yünälüen citkerä.

Xäbärdän kürengänçä soñğı waqıtlarda barlıqqa kilgän terror höcümnärenä qaramastan şaqtıy çit il şirkäte Törkiyädän waz kiçmägän.

Gazet çit il investorınıñ soñğı 3 ayda Törkiyädä avtomobil belän ber rättän turizm, tözeleş, transport kebek kritik tarmaqlarda milliard dolarlık investitsiyalär kertüe qararın aluın uquçıları belän urtaqlaşa.

Xäbärgä kürä investitsiya kertü qararın alğan şirkätlär arasında dönyaküläm şirkätlär dä bar.

“Xäbär türk” gazetı frantsuz daru şirkäte “Servier”nıñ könbatış Awrupadağı citeşterüneñ ber öleşen Törkiyägä küçerergä qarar birüen yaza.

Xäbärdän kürengänçä şirkätneñ 146 ildä 21 400 eşçese bar. Frantsiyaneñ iñ zur bäysez daru şirkäte bulğan “Servier” dönyada da ikençe zur frantsuz daru şirkäte bulıp tora.

“Sabah” gazetı Törkiyäneñ Mädäniyät häm Turizm ministrı Mahir Ünalnıñ İstanbulda zur kitapxanäneñ, Konyada isä mäwläwixanäneñ yasalaçağın äytüen citkerä.

Gazet yazuınça ministr Ünal İstanbulda tözeläçäk kitapxanäneñ xäzerge waqıtta restavratsiyalänüçe Rami kazarmasında urın alacağın belderde.

Xäbärgä kürä Törkiyäneñ iñ zur kitapxanäse bulaçaq üzäk 10 million kitapnı sıydıraçaq. Konyada da zur mäwläwixanäneñ tözeläçägen citkergän Ünal Şäb-i Arus cıyınnarınıñ şul mäwläwixanädä çınğa aşacağın äytte.

“Yäni Şafak” gazetı uzğan yılnıñ may ayında berençe oçqıç säfären çınğa aşqan Ordu-Giresun hawa mäydanınıñ çit il säfärlären oyıştırırğa cıyınuın yaza.

Xäbärdän kürengänçä Germaniyaneñ Köln häm Awstraliyadäge Graz şähärenä säfärlärneñbu yılnıñ urtasına citeşterelüe planlana. Monıñ öçen eşçänleklärne arttıruların äytkän Ordu şähär xaqimiyäte başlığı Änwär Yılmaz Köln häm Graznıñ töreklär küp yäşägän şähärlär buluın belderde.

Gazet yazuınça Änwär Yılmaz tamğaxanä eşçänleklärenä tizlek östäw zarurlığın da açıqladı. Törkiyädäge 55 xärbi bulmağan hawa mäydanındağı 21 tamğaxanädän soñ 22nçe tamğaxanä monda urın alaçaq.