Törek matbuğatına küzätü 25.02.2016

Törek matbuğatına küzätü

25nçe fevral könne basılıp çıqqan qayber törek gazetlarına küzätü

“Star" gazetı “Rus oçqıçları Koral mı aldağan?" isemle xäbärendä

Milli proyektlarda zur näticälelekle bulğan ASELSAN uzğan könnärdä yaña ber injenerlıq möğcizası bulğan radarnı butıy torğan elektronik xärbi sistema KORALnı Törek Qorallı Köçlärenä tapşırğan dip yaza.

Xäbargä kürä, Testlardan uzğan KORALnıñ Hatayğa urnaştırılğannan birle Rus oçqıçlarınıñ 4 tapqır yalğış maqsatqa höcüm itüe dä aqıllarda sorawnı barlıqqa kiterde.

Gazet Soñğı bularaq Süriyädä yalğışıp YPG terror oyışmasınıñ şähärçeklärenä höcüm itkän Rus oçqıçlarınıñ elek tä Äsädneñ berlektäşläreneñ xärbi noqtalarına höcüm itkännären belderä.

Xäbardän kürengänçä, KORAL radar, oçqıç, raketa häm S-400 sistemalarnı kürmiy torğan yasap täsirsez wazğiyättä qaldıra.

“Xörriyät" gazetı “PKK terror oyışması yäşlärne urlap canlı bomba yasıy" isemle xäbärendä

Änkarada 29 keşeneñ şähit buluwın, xärbi servis transportlarına bombalı höcümneñ ğayeplese Abdulbaki Sömerneñ ätiseneñ Musa Sömerneñ iminlek mödirlegendä sorawğa alınğanın yaza.

Xäbargä kürä,2015tä urlanğan ulını tabır öçen PKK terror oyışmasınıñ şähärçeklarne 4 taqpır äylänep çığuwın beldergän Sömer ätise, şähärçeklärdäge terrorçılarnıñ ulını üzennän yäşergännären häm xaqında mäğlümat birmägänen söyläde.

Gazet Keçkenä waqıtta PKK terrorçıları tarafınnan urlanğan canlı bomba 11 yıl buyınça oyışmanıñ şähärçeklärendä yäşägän dip belderä.

Xäbardän kürengänçä, PKKnıñ şähärçeklärendä terrorçı bularaq citeştereler öçen urlanğan küp sanda balalar bar.

“Watan" gazetı “3 ilçädä tabiği gaz yatmaları tabıldı" isemle xäbärendä

Sakariyada Söğütlü, Serdivan häm Ferizli ilçälärendä 400 häm 450 metr tiränlektä tabiği gaz yatmalarnıñ tabılğanın yaza.

Gazet töbäktä iminlek çaralarnıñ yasalğanın citkerä.

Xäbärgä kürä, Töbäktäge tabiğı gaz xaqında aldağı könnärdä ber açıqlaw yasalaçaq.

Gazet Gubernator Hüseyin Avni Coşnıñ : “Kiñ urında elçänleklär däwam itelä. Tabılğan tabiği gaz yatmaları rezervı ilebez öçen bik möhim energiya çığanağı. Töbägebez ilebezgä ciddi öleş kertäçäk",dip söyläwen belderä.

“Sabah" gazetı “Vaktsinanı çit ilgä cibäräçäkbez" isemle xäbärendä

Sälämätlek saqlaw ministrı Mäxmät Müezzinoğlu xökümätneñ milli daru häm cirle waktsinağa birelgän yärdämnärneñ cimeşlären ciya başlağanın belderde dip yaza.

Gazet Müezzinoğlunıñ: “Difteriya, stolbnyak vaktsinalarını citeşteräbez. Çiratta Gepatit A vaktsınası bar. Kiläçäk yılda vaktsinanıñ eksportın yasıy torğan wazğiyätkä kiläçäkbez",-äytüen citkerä.

Xäbärdän kürengänçä, ministr Müezzinoğlu Törkiyäneñ biotexnologiya eşlänmäläre belän 100 milliard dollarlıq bazar potentsıalınıñ bulğanın söyläde.

“Yäni Şafak" gazetı “Salih Dursunnıñ futbolkası satışqa çığarıldı" isemle xäbärendä Super Liganıñ 22nçe atnasında Trabzonsportnıñ deplasmanda Galatasarayğa 2-1 ciñelgänen yaza.

Gazet Trabzonsportta Özer Hurmacı, Aykut Demir, Cavanda häm Salih Dursunnıñ qızıl kartanı kürgän matçta Salih Dursunnıñ Deniz Ateş Bitnelnıñ yalğış qararlarına rizasızlıq belderep qızıl kartnı alıp kürsätep matçnı uzıp kitkän dip belderä.

Xäbärgä kürä, Trabzonsport Salih Dursunnıñ sudyağa qızıl kartanı kürsatkän ul waqıtnıñ futbolkasın satışqa täqdim itelde; Salih Dursun futbolka satışınnan alaçaq aqçanı yäş sudyalarnıñ çit ildä belem alu öçen stipendiya bularaq bireläçäk.

Törekçädän tatarçağa Aygöl Şaripova tärcemäse