Törek matbuğatına küzätü 23.02.2016

“Vatan" gazetı "Doşmannıñ küze suqır bulaçaq" dip atalğan yazmasında “ASELSAN" qamilläştergän “KORAL" mobil elektronik xärbi sistemasınıñ Törkiyä hawa köçlärenä tapşırıluın xäbär itä. Dönyanıñ radarların eşli almaslıq torışqa kiteräçäk sistemanıñ bik äz ildä buluın yazuçı gazet bu sistemanıñ Törkiyädä üz mömkinleklär belän qamilläşterelüenä basım yasıy.

“Star" gazetı “Urıslar yalğış qına terrorçı YPGne bombaladı" isemle yazmasında Süriyädä daimi räweştä tınıç xalıqnı maqsat itep aluçı Rusiyä xärbi oçqıçlarınıñ bu yulı maqsatnı butap, hawa xäräkäte waqıtında yalğış YPG terrorçıların bombalawın belderä.

Küp sanda yuğaltuğa duçar bulğan YPG terrorçılarınıñ zur aptıraşta buluın yazuçı gazet YPG terrorçılarınıñ xezmättäşlek urnaştırğan Äsäd rejimına häm Rusiyägä kisken reaktsiya kürsätüen assızıqlıy. Rusiyäneñ oçuçılarnın yalğış koordinatsiya isäpläwe arqasında xata yasawın belderüen yazuçı gazet Süriyä rejimınıñ isä, Rusiyä pilotlarınıñ yış-yış mondıy xatalar yasawına basım yasap, uzğan könnärdä dä Esäd rejimına bäyle möhim saqlağıçnı yalğış yuqqa çığaruın äytüen belderä.

“Yäni Şafak" gazetı “Yevrovideniyedä urıs zolımın añlatacak" isemle yazmasında Ukrainanı 2016nçı yılğı Yevrovideniye cır bäygesendä yaqınça 250 meñ qırım tatarınıñ Stalinnıñ boyırığı belän urıslar tarafınnan tuğan cirlärennän sörgen itelüen añlatuçı “1944" cırı belän qırım tatar cırçısı Jamala (Cämiläneñ) wäkillek itäçägen xäbär itä.

Yazmada bolay diyelä: “Sänğätçe cırın äbiseneñ biş balası belän 1944nçe yılnıñ 18nçe may könne Qırımnan Urta Aziyağa sörgen itelüeneñ xikäyäsenä nigezlänep äzerläde.

Cırnıñ süzläre: “Yat keşelär sineñ öyeñä kilä häm barığıznı da üterä", süzläre belän başlıy. 61nçe Yevrovideniye cır bäygese 14nçe mayda Şvetsiya başqalası Stokgolmda uzaçaq."

“Sabah" gazetınıñ “45 ilgä törek markası telefon" isemle yazmasında: “Törek markası “General Mobile" Google belän urnaştırğan xezmättäşlege uñışlı bulğaç, ikençe modelne yıl axırına xätle 45 ilgä citkerü qararı qabul itelde", - dip äytelä.

“Habärtürk" gazetı "Salih Dursunnıñ häykäle salınaçaq" dip atalğan yazmasında “Galatasaray" matçında sudyanıñ xatalı qararların protest itep, sudya Däniz Atäş Bitnälgä ştraf kartın kürsätep, dönyanıñ kön tärtibenä kilep urnaşqan “Trabzonsport" futbolçısı Salih Dursun belän bäyle täräqqiyätlärne citkerä.

Törekçädän tatarçağa Säğit Xäyri tärcemäse