Törek matbuğatına küzätü 22.02.2016

“Xörriyät" gazetı “Törkiyä New-Yorkta 32 qatlı küksözär töziyäçäk" isemle xäbärendä Törkiyäneñ Berläşkän Millätlär Oyışması wäkilçelege häm New-Yorktağı konsullığı intıyacların qanäğätländerü öçen xäzerge Törek yortı binası urınına 32 qatlı küzsözär töziyäçägen belderüe turında yaza.

Gazet beldergänçä, tözeleş 2018 nçe yıl azağında tögällänäçäk. Yaña binada räsmi xezmät urınnarı , konferentsiya zalları häm qunaqxanälär dä urın alaçaq.

“Yäni Şafak"gazetı “Yaxşılıq prizı öçen 1100 xikäyä" isemle xäbärendä Törkiyä diyänät waqıfı bıyıl ikençesen uzdırğan Xalıqara yaxşılıq büläkläre öçen milli häm xalıqara kategoriyädä tormış xikäyälärenä bäyä birelüen citkerä.

Xäbärdän kürengänçä, 135 ildä 8 teldä yazılğan 1100 xikäyä tikşerelgän. 22 xikäyä finalğa çıqqan.Xalıqara yaxşılıq büläklären tapşıru tantanası 13 nçe martta İstanbul Haliç kongress üzägendä uzaçaq.

“Sabah"gazetı “Sälçuk – inanu turizmı simpoziumına namzät" isemle xäbärendä Xalıqara inanu turizmı simpoziumınıñ ağımdağı ayda Portugaliyada berence tapqır ütkäreläçägen xäbär itä.

150 ildän wäkillär qatnaşaçaq çaranıñ ikençesen İzmirneñ Salçuk ilçäsendä ütkärü teläge belderelgän. Sälcuk şähär xakimiyäte monıñ öçen möräcäğät itkän. Äfäs –YUNESKOnıñ Bötendönya mädäniyat mirası isemlegendä urın ala. Bılbıl(bülbül)tawında urnaşqan Märyäm ana çirkäwe isä inanu turizmı cähätennän zur ähämiyätkä iyä.

“Star"gazetı “Turizm cännäte Bodrumğa turist ağılaçaq" isemle xäbärendä 2016 nçı yılnıñ turizm cähätennän yaxşı uzuı öçen Muğlanıñ Bodrum ilçäsenä kiläçäk turist sanın arttıru öçen küp törle eşçänleklär başqarluı turında yaza.

Bu qısada turizm tarmağı wäkilläre yärminkälärdä qatnaşa. Ğinwar ayında Niderland,İspaniya,İrlandiya,Şvetsariya,İstanbul häm Belgiyädä tanıtu eşçänlekläre däwam itte.Kiläse könnärdä Bodrumğa yaqınça 1000 çit il jurnalistı ,sotsial media äğzaları kiläçäk.

“Xäbär Türk" gazetı" Böten dönya Salih Dursun xaqında söyläşä" isemle xäbärendä Törkiyädä sport toto süper ligada “Galatasaray"-“Trabzonsport" matçında qağidä bozu arqasında ştraf kartlarınıñ tirän ez qaldıruın belderä.

Xäbärdän kürengänçä, “Trabzonsport" komandası matçnı 7 sportçı belän tämamlağan. Älege komanda futbolçısı Salih Dursun matç sudyası Atäş Bitnälgä ştraf kartası kürsätkän öçen uyınnan çığarılğan.

Gölgenä Näfis tärcemäse