Törek matbuğatına küzätü 17.02.2016

“Sabah” gazetı Törek qorallı köçläreneñ PKK terror oyışmasınıñ Süriyädäge törkeme YPGğa qaytarğan cawapnıñ zur buluın yaza.

Xäbärgä kürä şimbä könne irtän törek cirlärenä Süriyä tarafınnan utnıñ açıluınnan soñ çiklärneñ saqlanuı täwäkkällelege häm Törkiyäneñ sizgerlegenä basım yasaw öçen Dawıl gaubitsalarınnan 261 tapqır ut açtı.

Gazet yazuınça ike köndä gaubitsalardan açılğan 367 utta 90 YPG urını yuqqa çıqtı. Törkiyäneñ täwäkkällelegen kürsätkän älege cawap belän soñğı 4 köndä 150 terrorçı üterelgän.

“Xäbär türk” gazetı PYD terror oyışmasınıñ qorallı törkeme YPGnıñ Rusiyä häm AQŞ yaqlawında alğa baruı, Rusiyäneñ bombağa totuı häm 500-600 meñgä citüe küzdä totılğan qaçaq qurqınıçına qarşı Törkiyäneñ barlıq krizis stsenariyların kön tärtibenä aluın citkerä.

Xäbärgä kürä YPG terror oyışması alğa barırğa däwam itkän oçraqta Törkiyä çik buyına ağılaçaq här 10 qaçaqtan bersen ilenä alaçaq.

Xäbärdän kürengänçä qalğannar öçen dä Süriyä tarafında imin töbäktä şähärçeklärneñ qorıluı planlana.

“Star” gazetı “Surda soñğı 100 metr” isemle xäbärendä Diyarbakırnıñ Sur ilçäsendä alıp barıluçı operatsiyadä düşämbe könne tağın 2 PKKlı terrorçınıñ üterelüen yaza.

Xäbärdän kürengänçä ilçädä operatsiyalär başlağan könnän bügengä qadär üterelgän terrorçı sanı 204kä citkän.

Xäbärdä Şırnaknıñ Cizrä ilçäsennän soñ Surdağı operatsiyaneñ dä azağına yaqınlaşuı urın ala. İlçädäge terrorçılarnı 100 metrlık alanda awır xäldä qaldırğan iminlek köçläre Şırnaknıñ İdil ilçäsen dä çistartırğa äzerlänä.

Gazet yazuınça operatsiyadän alda ilçädä uramğa çığu tıyılğan ide.

“Watan” gazetı “Waq terlektä Awrupada berençe” isemle yazmasında 2015nçe yılnıñ dekabr azağınnan başlap mögezle ere terlek sanınıñ 14 million 128 meñ, waq terlek sanınıñ isä 41 million 924 meñ, sarıqnıñ 31 million 508 meñ, käcä sanınıñ da 10 million 416 meñ buluın citkerä.

Xäbärgä kürä Törkiyä mögezle ere terlek sanında 2015 öçen Awrupa Berlege illärennän Frantsiyadän soñ ikençe urında tora.

Gazet yazuınça Frantsiya 19 million mögezle ere terlek belän berençe. Törkiyädän soñ Angliya, İspaniya häm Gretsiya kilä.

“Xörriyät” gazetı “Antalyağa Awrupadan turıdan-turı oçqıç säfäre” isemle xäbärendä Törek hawa yulları ğomüm mödire Tämäl Kotilneñ ozaq yıllar buyı Awrupadan Antalyağa oçqıç säfären kötüce turizmçılarğa söyençe birüen uquçıları belän urtaqlaşa.

Xäbärdä Kotilneñ tübändäge süzläre urın ala: “Turıdan-turı oçqılç säfärläre başta awrupanıñ tönyaq illären üz eçenä alaçaq. Norvegiya häm Finlyandiya kebek illärdän şaqtıy taläp bar. Bu cäygä qadär oçqıç säfärlären citeşterergä telibez. Germaniya kebek küp turist kilüçe illärdän Antalyağa turıdan-turı oçqıç säfären uylamıybız. Çönki monnan bolay da charter oçqıçlarda turistlar kilä. Eşçänleklärebez tizlek belän däwam itä.”