Törek matbuğatına küzätü 10.02.2016

“Sabah” gazetı “Ğamäl planıbız berlek, xozur häm demokratiya” isemle xäbärendä Törkiyä premyer-ministrı Äxmät Dawıtoğlunıñ sişämbe uzğan partiyaseneñ törkem cıyılışında açıqlağan paketnıñ barı tik iminlek paketı ğına tügel, ä xozur häm demokratiya paketı buluın äytüen yaza.

Xäbärgä kürä bu adımnar yaralarnıñ beterelüe, tar-mar itelgänneñ tözekländerelüe öçen yasaluın beldergän Dawıtoğlu: “Xalqıbızğa şäfqat belän, terror oyışması da köç belän totış kürsätüne däwam itteräçäkbez. Bezne millät häm töbäk xalqı qızıqsındıraçaq. Törkiyä terrorçılıqtan qotılaçaq. Barlıq watandaşlarıbız xozurğa qawışaçaq,” – dide.

“Xörriyät” gazetı “Ägäydä häm çik buyına täwlek buyı iyärçen küzätüe” isemle yazmada Germaniya Kantslerı Angela Merkelneñ Änkarağa säfärendä ike il qaçaqlar ağımın azaytu öçen tä'min itkän 10 matdälek kileşüdä ike ilneñ saqlanu ministrları cıyılışında NATOnı wazifağa çaqıruğa qarar birüläreneñ iğtibarnı cälep itüen belderä.

Xäbärdän kürengänçä ike il NATOnıñ hawadan häm diñgezdän küzätü başqaruın planlıy. NATO iyärçennär aradaşçılığı belän Ägäydä häm Törkiyä-Süriyä çigendäge küçep kitülärne täwlek buyı küzätäçäk.

“Star” gazetı “Energetikada cirle çığanaqlarğa östenlek bireläçäk” isemle xäbärendä Törkiyäneñ Energetikä häm tabiği çığanaqlar ministrı Bärat Albayrak energetikadağı yul kartasın açıqlawın yaza.

Xäbärgä kürä yañartıla alına torğan energetika çığanaqlarınıñ energetikanı täqdim itü bazarındağı öleşeneñ arttırılacağın äytkän ministr Albayrak energetikada cirle çığanaqlarğa östenlekneñ bireläçägen citkerde.

Gazet yazuınça Albayrak tabiği gazda da ber ilgä bäylelekneñ iñ küp 50% bulacağın äytte.

“Xäbärtürk” gazetı “5Gda kiber iminlek öçen MİLAT” isemle yazmada Törkiyäneñ ışanıçlı 5G asqorımasına saqlap qaluına qarağan Milat proyektı öçen imzalarnıñ Saqlanu sänägäte kiñäşçelegendä oyıştırılğan tantanada quyıluın yaza.

Xäbärgä kürä tawışlı söyläşü häm mäğlümat küçerü eşlären kiber höcümnärdän saqlayaçaq älege proyektnı Türk Telekomnın partnerı “Argela” çınğa aşıraçaq. Proyektnıñ 2 yılda tämamlanuı kötelä.

“Yäni Şafak” gazetı “Mäçetlärdä wi-fi çorı” isemle yazmasında Diyanät eşläre räislegeneñ mäçetlärne ğilem yortına äyländerüne planlawın citkerä.

Xäbärgä kürä bügenge şartlarnı küzdä totıp, äzerlängän proyektta mäçetlär kitapxanäse, printerı, xätta internetı bulğan ğilem mäktäplärenä äylänäçäk.

Gazet kitapxanäse bulmağan mäçetlärgä kitaplarnıñ kitereläçägen, mäçettäge wazifalılarnıñ uqu säğatlären bilgeläyäçägen uquqçıları belän urtaqlaşa.