Törek matbuğatına küzätü 07.12.2014

“Sabah” gazetı “Arabızdağı psixologik kirtälär bette” isemle xäbärendä Premyer-ministr Äxmät Dawıtoğlunıň Afinada Gretsiya Premyer-ministrı Andonis Samaras belän küreşep söyläşkännän soň yasağan açıqlawın citkerä.

Gazet Dawıtoğlunıň: “Änkara häm Afinada Atatörek häm Venizelostağı urtaq ruxnı canlandıruçı vizioner liderlar bar. Monnan soň urtada psixologik kirtä yuq. Ministr duslarıbız çığış yasağan waqıtta qarşı yaq niçek aňlar dip borçılmıy,” – digän süzlären uquçıları belän urtaqlaşa.

“Akşam” gazetı “Paiutelerneň su deposı Törkiyädän” isemle xäbärendä Törkiyä yärdämeneň çige bulmawın yaza.

Gazet Oregonda yäşäwçe Paiute qabiläseneň taläbenä bitaraf qalmağan Törek xezmättäşlek häm koordinatsiya agentlığınıň 700 ğailägä citäçäk su tankın tutırıp, indeyetslarğa birüen belderä.

“Yäni Şafak” gazetı AQŞtağı politsiya cinayätlärenä yaňasınıň östälüen yaza.

Gazet Los Angeles politsiyaseneň Hollywood bul’varında yanında pıçağı bulğan yegetne atuın citkerä.

Xäbärdän kürengänçä Amerikan matbuğatı küp sandağı turist küzläre aldında üterelgän yegetneň aq tänle buluın yazdı.

“Sabah” gazetı “Berençe 10 il arasına innovatsiya belän kererbez” isemle xäbärendä Törkiyä ilbaşı Räcäp Tayyip Ärdoğannıň Törkiyä İnnovatsiya atnalığınıň yomğaqlaw cıyılışında qatnaşuın yaza.

Gazet Ärdoğannıň dönyanıň üskän 10 ile arasında urın alu maqsatınıň ireşelüe öçen innovatsiyağa tayanğan citeşterügä östenlekneň birelüe zarurlığın äytüen assızıqlıy.

“Vatan” gazetı “Hawa yulı yulçısı 155 millionnan artqan” isele xäbärendä Törkiyädä hawa mäydannarınnan xezmät alğan yulçı sanınıň 11 aylıq çorda 155 millionnan artuın yaza.

Gazet yaňa yılğa qadär yulçı xäräkäteneň 168 millionnan, xezmät kürsätelgän oçqıç xäräkäteneň 1,7 millionnan artuınıň kötelüen citkerä.