Törek matbuğatına küzätü 05.12.2014

“Yäni Şafak”gazetı “Törkiyädä tüläwsez däwalana alaçaqlar” isemle xäbärendä Törkiyä sälamätlek saqlaw ministrı Mähmät Müäzzinoğlunıñ 2 nçe xalıqara Törkiyä meditsina xezmätkärläre qorıltayında qatnaşuın häm biredä yasağan çığışında 400 çit il watandaşınıñ Törkiyädä tüläwsez däwalana aluı öçen qanuni tärtipkä salular başqaruları turında äytüen citkerä.

“Star”gazetı”Ministrdan yaqlaw” isemle xäbärendä Törkiyä moxitne saqlaw häm şähär tözeleşe ministrı İdris Güllücäneñ küçmäs milek tarmağınıñ yuğarı potentsialğa iyä buluın belderep, tarmaqtağı baylıqnı eksportlaw kiräklegen, monıñ öçen xökümätneñ yaqlaw kürsätäçäge turında äytüen citkerä.

“Xäbär Türk” gazetı “Eşläwçe änilärgä yaxşı xäbär” isemle xäbärendä sotsial iminlek oyışmasınıñ yaña yılda ğamälgä kertäçäk “5 meñ änigä 5 meñ bala qarawçı” proyektınıñ neçkälekläre bilgele buluı turında yaza.

“Öydä bala qaraw xezmäte belän xatın-qızlarnı eş belän tä’min itügä yaqlaw kürsätü” proyekt qısasında balalarına 3 yäş tulğançı älege proyekttan faydalanuçı xatın-qızlarga yaqınça aylıq 1000 lira yärdäm bireläçäk.

“Vatan” gazetı” Dönyanıñ iñ tä’sirle 10 stadion proyektı”isemle xäbärendä Angliyäneñ yuğarı tirajlı gazetlarınnan “The Telegraph”ta urın alğan “Dönyanıñ iñ tä’sirle 10 stadion proyektı” isemle tikşerenüendä Bursada tözeleşe däwam itüçe stadion da kürsätelüen belderä.

“Xörriyät” gazetı” Moda dönyasında tanılğan törek” isemle xäbärendä tanılğan törek dizaynerı Ärdäm Moralıoğlunıñ moda industriyäsendä möhim urın alıp toruın xäbär itä.

Gazet Moralıoğlunın eşendäge uñışlarınıñ seren här yäştäge xatın-qızğa turı kilä torğan häm uñaylı kiyemnär täqdim itü dip açıqlawın citkerä.