Törek matbuğatına küzätü 11.09.2014

“Yäni Şafak” gazetı “Törkiyä Awrupadan tizräk üste” isemle xäbärendä 5 yıl buyı üsüçe Törkiyä iqtisadında yılnıñ 2nçe çiregendä 2,1%lık üseş belän Awrupa Berlege häm Yevro töbäge iqtisadlarınnan kübräk citeşterüçänlekneñ küzätelüen yaza.

Gazet Törkiyä Statistik Oyışması häm Awrupa statistika ofisı (Eurostat) kürsätkeçlärenä kürä Yevro töbägeneñ yılnıñ 2nçe çiregendä yıllıq bazada 0,7%, Awrupa Berlege iqtisadınıñ isä 1,2%ka üsüen citkerä.

“Xörriyät” gazetı “Türksat iyärçen almaşuı waqıtın bilgeläde” isemle xäbärendä Türksat 4A iyärçenenä küçäçäk televideniye häm radio tapşırularınıñ yışlıq üzgäreşläreneñ 2014nçe yılnıñ 17nçe sentyabr könen 18nçe sentyabrğa totaştıruçı töndä çınğa aşaçağın belderä.

Xäbärgä kürä açıqlawda Türksat 2A xäbärläşü iyärçen ğomereneñ 2016nçı yılnıñ başında tämamlanaçağı urın alıp, älege iyärçen östendäge tapşırularnıñ Türksat 4A xäbärläşü iyärçenenä küçereläçäge belderelde.

Gazet açıqlawda yaña televideniye efirları belän Türksat iyärçennäre östendäge televideniye tapşıruları sanınıñ 500dän artaçağınıñ citkerelüen uquçıalrı belän urtaqlaşa.

“Sabah” gazetı Politsiya akademiyaseneñ cämğiyätneñ böten qatlamnarın tağın da yaxşı añlar öçen däres planın yañartuın yaza.

Gazet akademiya citeştergän politsiya xezmätkärläreneñ cämğiyätneñ barlıq qatlamnarı tellären öyränä aluları öçen uqıtu planına üzgäreşlär kertüen citkerä.

Xäbärgä kürä akademiyada politsiya xezmätkärläre körd, ärmän, grek häm ğaräp telläre dä bulğan şaqtıy teldä fakultativ däres uqıy alaçaqlar. Alar arasında urıs, farsı, ispaniya, gruzin häm törki tellär dä bar.

“Star” gazetı Rusiyägä azıq-tölek eksportı öçen viza alğan şirkät sanı 160tan arttı” isemle xäbärendä Könbatış illäre qullanğan çikläwlärgä qarşı azıq-tölek importlawçı Rusiyä Federatsiyasenä Törkiyädän çınğa aşaçaq eksport belän bäyle eşçänleklär soñğı etapka kilgän waqıtta eksportçı şirkätlärneñ dä zur ülçämdä bilgele buluın belderä.

Rusiyä Federatsiyasenä eksport öçen berençe etapta 162 eşxanägä vizanıñ çığuın citkerüçe gazet Rusiyä Awrupa Berlege belän ber rättän dönyanıñ törle illärennän yılda 40 milliard dollardan artıq azıq-tölek importın çınğa aşıruın xäbär itä.