Törek matbuğatına küzätü 04.09.2014

“Vatan” gazetı ilbaşı Räcäp Tayyip Ärdoğannıñ Azärbaycanğa yasağan säfären citkerä.

Gazet Azärbaycan däwlät başlığı İlham Aliyevnıñ Ärdoğanğa ätiseneñ iseme birelgän “Xäydär Aliyev däräcä ordenı”n tapşıruın yaza.

Xäbärdä ilbaşı Ärdoğannıñ isä: “İke däwlät, ber millät. Ätiyeñneñ mirası bu, onıtma,” – dip äytüe urın ala.

“Yäni Şafak” gazetı Azärbaycanğa barğan Törkiyä ilbaşı Ärdoğannıñ Taw Qarabax mäs’äläsen Uelstağı NATO cıyılışına taşıyaçağın belderä.

Gazet Ärdoğannıñ Törkiyä-Ärmänstan problemasınıñ çişeleş şartın açıqlawına da iğtibar cälep itä.

Xäbärdä Ärdoğannıñ: “Azärbaycan-Ärmänstan probleması çişelgän oçraqta Törkiyä-Ärmänstan probleması da çişeler. Birelgän süzlär cirenä citkerelergä tiyeş. Bu mäs’älädä täwäkkällegebezne däwam itteräçäkbez,” – digän süzläre dä urın ala.

“Star” gazetı Azärbaycan gazın Törkiyä aşa Awrupa çigenä taşıyaçaq Trans Anadolu ütkärgeç proyektın da üz eçenä alğan Könyaq Qavqaz gaz koridorı nigezeneñ 20nçe sentyabr könne salınaçağın citkerä.

Gazet Azärbaycan ilbaşı İlham Aliyev belän oyıştırğan matbuğat oçraşuında çığış yasağan ilbaşı Räcäp Tayyip Ärdoğannıñ proyekt belän bäyle bularaq: “Barış tizlänä,” – dip äytüe uquçıları belän urtaqlaşa.

“Sabah” gazetı Ärdoğannıñ Azärbaycan başqalası Baqıdağı programmasın şähitlär ziratına barıp, tämamlawın yaza.

Gazet Azärbaycannıñ qoruçısı Xäydär Aliyevnıñ häykälenä barıp, 1 minutlıq tınlıq belän anı iskä alğan Ärdoğannıñ, ayıruça, Aliyevnıñ ğailä ziratına känäfer çäçäklären quyuın belderä.

Xäbärdä ilbaşı Ärdoğannıñ şähitlär ziratına barıp, känäfer quyuı, soñınnan NATO cıyılışında qatnaşır öçen Yelska kitüe citkerelä.

“Xörriyät” gazetı “Ğazzä çigendä xäräkät” isemle xäbärendä İzrail armiyasenä bäyle köbäle transport çaralarınıñ Refah çigendäge Än-Nahda mäxälläsennän 100 metrğa kerüen yaza.

Gazet köbäle transport çaraları häm buldozerlar çiktän kergän waqıtta küzätü oçqıçlarınıñ da töbäktä oçuın belderä.

“Sabah” gazetı ebola virusınıñ cäyelü tizlegenä qarap belgeçlärneñ sentyabr ayında ülemgä iltüçe virusnı yoqtıruçılar sanınıñ 10 meñgä citä alaçağın äytüen yaza.

“Yäni Şafak” gazetı “Antaliyağa 8 million 700 meñ kilüçe” isemle xäbärendä bu yılnıñ berençe 8 ayında Antaliyağa kilgän turist sanınıñ 8,7 million keşegä citüen citkerä.

Gazet Antaliya vilayät başlığı Sebahattin Öztürkneñ: “2023nçe yıl öçen 18 million bulğan turist maqsatıbızğa 2018dä ireşäçäkbez,” – digän süzlären uquçıları belän urtaqlaşa.