Törek matbuğatına küzätü 01.09.2014

“Star” gazetı ilbaşı Recep Tayyip Ärdoğannıň xärbi diňgez mäktäbennän 114, xärbi hawa mäktäben betergän 194 leytenantka diplom häm bayraq tapşıru tantanasında qatnaşuın yaza.

Gazet ilbaşı Ärdoğannıň xärbi uqu yortın tämamlawçılarğa diplomnarın tapşıruın belderä.

“Akşam” gazetı Premyer-ministr Äxmät Dawıtoğlunıň İstanbulda däwam itüçe proyektlarnı hawadan qarawın citkerä.

Gazet Dawıtoğlunıň premyer-ministr bularaq berençe tapqır kilgän İstanbulda boralaqtan proyektlarnı qararp çığuın uquçıları belän urtaqlaşa.

Gazet Premyer-ministr Äxmät Dawıtoğlunıň boralaqqa utırğan İstanbul merı Kadir Topbaştan, ayıruça, öçençe küper häm öçençe hawa mäydanı proyektlarınıň soňğı wazğiyäte belän bäyle mäğlümat aluın xäbär itä.

“Yäni Şafak” gazetı İstanbulda Kazlıçäşmä belän Göztäpä bistäläre arasındağı yulnı 15 minutka töşeräçäk Awraziya tunneleneň tämamlanuına 2 çaqrım yarımnıň qaluın yaza.

Gazet cirteräw häm tsunamiğa çıdam bulğan tunnelneň İstanbul buğazınıň 25 metr tiränlegendä 850 metrğa citüen belderä.

“Sabah” gazetınıň iqtisad säxifäsendä urın alğan xäbärendä Antaliya irekle töbäktä berençe 7 ayda 16 lyuks yaxtanıň diňgezgä töşerelüe belderelä.

Gazet Antaliyadağı irekle töbäkne eşlätüçe aktsionerlık cämğiyäte ğomüm mödire Zäki Gürsäsneň 50 metrdan ozın bulğan yaxta zakazlarınıň küp buluın äytüen citkerä.

Gazetta ğinwar-iyul çorında töbäktä 16 yaxtanıň yasaluın açıqlağan Gürsäsneň yaňa yılğa qadär diňgezgä töşerelgän yaxta sanınıň 40ka citäçägen äytüe urın ala.

Xäbärdä Zäki Gürsäsneň: “Awrupa illäre, Rusiyä Federatsiyase, Baxreyn, Qatar häm AQŞtan zakazlar kilä,” – digän süzlären uquçıları belän urtaqlaşa.

“Habär türk” gazetı “Boz masaları eremi, zuraya” isemle xäbärendä Amerikan belgeçläreneň dönyaküläm cılınu arqasında boz masalarınıň eremäwen, kiresençä, kiňäyüen iyärçen yärdämendä kürülären äytüen yaza.

“Xörriyät” gazetı “İň yaxşı törek filmı – “Susız cäy” isemle xäbärendä Törkiyäneň Mädäniyät häm Turizm ministrlığı tarafınnan törek kinosınıň 100 yıllığı uňayınnan uzdırılğan “İň yaxşı 100 törek filmı” tawışqa quyuınıň näticäläreneň açıqlanuın yaza.

Gazet Törkiyägä berençe xalıqara büläkne qazandırğan “Susız cäy” filmınıň berençe urınnı yawlawın belderä.