Törek matbuğatına küzätü 28.08.2014

“Hürriyät” gazetı "Dawıtoğlu ğomum başlıq bulıp saylandı” isemle yazmasında “Aq” partiyanıñ Ankaranıñ “Arena” sport zalında ütkärelgän 1nçe çirattan tış zur kongressında ğomum başlıq öçen uzdırılğan tawışqa quyunıñ tämamlanuın yaza. Gazet Kongressnıñ şura başlığı Haluk İpäkneñ tawışqa quyuda ber meñ 388 tawış birelüen, tawışlarnıñ ber meñ 382eneñ yaraqlı, 6sınıñ yaraqsız isäplänüen belderep: “Şuşı näticälärgä kürä, Tışqı eşlär ministrı häm Konya xalıq ışanıçlısı xörmätle Äxmät Dawıtoğlu, tuplam ber meñ 382 tawış alıp, “Aq” partiyanıñ ğomum başlığı bulıp saylandı”, - dip äytüen citkerä.

“Yäni Şafak” gazetı "Ğäripkä 36 meñ lira büläk iteläçäk” dip atalğan yazmasında İŞKUR Törkiyä eş oyışması başlatqan häm ikençe çor möräcäğätläre däwam itkän proyekt qısalarında üz eşen tözergä teläwçe gäriplärgä (invalidlarğa) 36 meñ lirağa qädär aqçalata yärdäm kürsäteläçägen xäbär itä. Gazet yazuınça, proyektqa möräcağät itülär 12nçe sentyabrdä tögällänä. Ğäriplekläre arqasında eşläw köçeneñ kim digändä 40%nan mäxrüm buluın meditsina komissiyäse xisabı belän beldergän häm eşli alırlıq wazğiyättä bulğan gäriplär yäşägän rayonnarında ğämälgä kertelüe öçen täqdim itäçäk proyektlar belän aqçalata yärdämnän faydalana alaçaqlar”.

“Sabah” gazetı "Ğazzädäge xastaxanälärgä “Ciryöze tabibläre”nnän yärdäm” isemle yazmasında “Ciryöze tabibläre”neñ Fälästin sälamätlek saqlaw ministrlığı häm Ğazzä İslam universitetı tıyp-meditsina fakultetı belän kileşü tözüen xäbär itä.

“Ciryöze tabibläre” idarä şurası äğzase häm İstanbul Mädäniyät universitetınıñ meditsina fakultetı ğomum xirurgiya bülege başlığı professor doktor Orhan Alimoğlunıñ İzrailneñ Ğazzä höcümnärennän soñ 10nçı-17nçe avgust könnärendä töbäkkä baruların äytüen yazuçı gazet imzalanğan kileşülär belän bäyle bularaq Alimoğlunıñ: “Bu qısada Ğazzäneñ suğış waqıtında cimerelgän xastaxanälärneñ asqorması belän xastaxanälärda diagnoz häm däwalanu öçen qullanılaçaq texnologiya häm belgeç tabiblärneñ uqıp betergännän soñ belemnäreneñ arttırıluınıñ yärdäm itelüe, kiläçäktä bula alaçaq moña oxşaş yaralanularnıñ däwalanuınıñ tağın da sawlıqlı räweştä başqarıluı öçen asistent öyrätü programmalarınıñ ütälüe, universitetlar arasında uqıtuçı häm uquçı yäşlär belän almaşu mäs’äläsendä kileşügä ireştek”, - dip äytkän süzlären urnaştırğan.

“Radikal” gazetınıñ internet säxifäsendä çıqqan "ICQ törekçä telendä kire qayta” isemle yazmasında: “Ber mizgeldä SMS cibärü programmalarınıñ äydäp baruçısı ICQ kire qayta. Tulısınça törekçä bulaçaq mobil ICQ çarası tüläwsez SMS, tawışlı häm videolı söyläşü belän bergä törkem söyläşüläre kebek östämä üzençäleklärgä dä iyä. İyäläşelgän xäbär kisätü tawışı yañadan här urında işetelä başlanaçaq”, - dip äytelä.