Törek matbuğatına küzätü 27.08.2014

“Sabah”gazetı “Xösäyen Çäliktän kongress neçkälekläre” isemle xäbärendä tübändägelär citkerelä.

Ğomum başlıq urınbasarı Çälik “Ğadälät häm qalqınu” partiyäseneñ I çirattan tış kongressında 3 meñ çaqırulı keşeneñ qatnaşaçağın, 81 vilayättän 1020 avtobus belän 40 meñ keşeneñ Änkarağa kiläçägen , säyäsi partiya, sänäğätçe, eşçe, däwlät xezmätkärläreneñ ictimaği oyışmaları belän hönärçelär berlege wäkilläreneñ kongrestta qatnaşaçağın belderde.

Xösäyen Çälik kongressnı 100e çit ildän bulu belän bergä tuplam 900 matbuğat xezmätkäreneñ küzätep baraçağın assızıqladı.

“Yäni Şafak”gazetı “Meşal Ärdoğanğa şaltırattı” isemle xäbärendä Misır başqalası Qahirädä alıp barılğan söyläşülär näticäsendä İzrail belän Hamasnıñ ozaq waqıtlı utnı tuqtatunı qabul itüe turında yaza.

Xäbärdän kürengänçä, Hamas säyäsi byuro şefı Halid Meşal Törkiyä premyer-ministrı Räcäp Tayyip Ärdoğanğa şaltırattı.

Meşal Ärdoğanğa utnı tuqtatu barışı belän bäyle mäğlümat birde.

“Star”gazetı “Töreklär AQŞta yuğalttı, Rusiyädä qazandı” isemle xäbärendä illär arasındağı säyäsi sanktsiyälärneñ törek şirkätlärenä dä yoğıntı yasawın xäbär itä.

Gazet beldergänçä, Ukrainadağı ğisyançılarğa yaqlaw kürsätkäne öçen üzenä qarata sanktsiyälär qullanğan Amerika Quşma Ştatları häm Awrupa Berlegennän prodokstiya kertüne tuqtatqan Rusiya Törkiyä şirkätlärenä röxsät birgändä, Amerika Quşma Ştatları isä qorıç citeşterüçe töreklärgä salım kertte.

“Xörriyät” gazetı “Haliçka şäxsi tarmaq kirtäse” isemle xäbärendä İstanbul Bäyoğlu xakimiyätenä bäyle Örnäktepe häm Sütlücä mäxällälären üz eçenä aluçı şähär tözeleşe proyektında şäxsi tarmaqnıñ çittä qaluı turında yaza.

Moxitne saqlaw häm şähär tözeleşe ministrlığı tarafınnan yärdäm kürsäteläçäk proyekt 2 etapta tözeläçäk.

Tuplam 130 meñ kvadrat metr tözeleş mäydanında yaqınça 650 toraq häm 160 säwdä urını bulaçaq.

“Vatan”gazetı “1 milliard 700 million dollar külämendä zur kileşü”isemle xäbärendä dönyanıñ 4 nçe iñ zur tabiği gaz rezervına iyä Törekmänstanda Törkiyä-Yaponiya şirkätlär berlegeneñ zur külämle tendr aluın xäbär itä.

Xäbärdän kürengänçä, tabiği gazdan benzin eşläp çığaraçaq häm üzqimmate 1 milliard 700 million dolar bulğan qorılmanı Törkiyä häm Yaponiya şirkätläre töziyäçäk.