Törek matbuğatına küzätü 23.08.2014

“Sabah”gazetı” Tıñlawlar Schröder belän başlandı” isemle xäbärendä tübändägelärne citkerä.

Törkiyäneñ Germaniya Federal milli küzläw oyışmasına 1998-2005 nçe yıllardağı Yäşellär partiyäse häm SPD belän qorılğan koalitsiya xökümäte tarafınnan birelgän boyırıq nigezendä küzläw eşçänlege alıp barılaçaq illär isemlegenä kertelüe alğa sörelde.

Xäbärdän kürengänçä, küzläw eşçänlege alıp barılaçaq illär 3 törkemgä bülengän.

SPDle elekke kantsler Gerhard Schröder Yäşellär partiyäse belän 1998 nçe yılda koalitsiya xökümäte qora , 7 yıl kantsler bula. Germaniya tışqı eşlär ministrı Steinmeier isä ul çorda küzläw oyışmasınnan cawaplı ministr ide.

“Milliyät”gazetı “İstanbulda ofis arendalaw bäyäläre kütärelde” isemle xäbärendä İstanbul külämendä berençe klasslı ofislarnı arendalaw bäyäseneñ 1,40%qa , ikençe klasslı ofislarnı arendalaw bäyäseneñ isä 3,76%qa artuı turında yaza.

“Vatan”gazetı “6 meñ keşe belän Atatörek portretı” isemle xäbärendä Törkiyä Cömhüriyäten qoruçı Mostafa Kämal Atatörekneñ canlı portretınıñ Anıtqaber baqçasında 6 meñ keşe yärdämendä yasalaçağın xäbär itä.

Gazet älege çaranıñ dönyanıñ iñ zur Atatörek portretı bularaq Ginnessnıñ Rekordlar kitabına kerüne maqsat itep quyuın belderä.

“Yäni Şafak”gazetı “İnternet qullanu 50%tan arttı”isemle xäbärendä dönyada iñ küp internet qullanuçı illär arasında urın alğan Törkiyädä internet qullanunıñ 50%tan artuın citkerä.

Törkiyä statistika oyışması beldergänçä, 16 yäştän alıp 74 yäşkä qadärge keşelär arasında kompyuter qullanu däräcäse 53,5% , internet qullanu 53,8% täşkil itte.

İnternet qullanu iñ küp öylärdä arttı. Annan soñ isä eş urınnarı kilä.