Törek matbuğatına küzätü 10.08.2014

“Sabah” gazetı “Näq menä bu demokratiya” isemle yazmasında Törkiyäneñ yäkşämbe könne demokratiya cähätennän tarixi waqiğağa şahit buluın yaza. Gazet saylaw ärcäläreneñ berençe märtäbä ilbaşı öçen qorıluın assızıqlıy. 

“Yäni Şafak” gazetı “Azärbaycan gaziläre Ankarada” dip atalğan yazmasında Ärmänstan belän aralarındağı çik buyı kiyerenkelege arqasında kilep çıqqan bäreleşlärdä yaralanğan 3 azärbaycan ğäskäriyeneñ Premyer-ministr Räcäp Tayyip Ärdoğannıñ boyırığı belän Ankarağa kiterelüen xäbär itä.

“Hürriyät” gazetı “Ğazzädä can yuğaltuı 2 meñgä citte” dip atalğan yazmasında İzrail oyıştırğan operatsiyäse ikençe ayına kergän çaqta Ğazzädä 72 säğätlek utnı tuqtatu comğa könne tämamlanğannan soñ başlanğan bäreleşlärdä häläq buluçılarnıñ 2 meñgä citüen belderä.

“Milliyät” gazetı “Haläptä bazarğa miçkä bombası” isemle yazmasında Süriyäneñ Haläp qalasında ğäskärgä bäyle ber boralaqnıñ bazar mäydanına miçkä bombası belän yasağan höcüm turındağı xäbärne citkerä häm höcümdä, kim digändä, 30 keşeneñ ğomereneñ özelüen assızıqlıy.

“Hürriyät” gazetı ““Möselman qärdäşlär”gä tağın şok ber tıyu” isemle yazmasında Misırda Yuğarı idari mäxkämäneñ “Möselman qärdäşlär” oyışmasınıñ säyäsi törkeme “Xörriyät häm ğädälät” partiyäseneñ yabıluı xökemen birüen yaza.

“Star” gazetı “Törek hawa yulları 11 yılda 14 tapqır üste” dip atalğan yazmasında Törek hawa yulları (THY) idarä şurası häm başqarma komitetı başlığı Hamdi Topçunıñ Törek hawa yulların 2003nçe yılda 1 milliard 200 million dollar aqça äyläneşe belän aluların, bügen qatnaşuçıları belän bergä 17 milliard yarım dollar aqça äyläneşenä ireşkän şirkätkä äyländerülären äytüen belderä.

“Yäni Şafak” gazetı “Waqıtında oçu rekordı” dip atalğan yazmasında Törkiyäneñ uzğan yılda kürsätkän xärbi bulmağan aviatsiyädäge uñışı turında EUROCONTROL Awrupa hawa navigatsiyäse iminlege oyışmasınıñ 2013nçe yılğı citeşterüçänlek xisabında maqtaw süzläreneñ äytelüen citkerä. Gazet xisapqa kürä, Atatürk, Sabiha Gökçen, Antalya häm Esenboğa hawa mäydannarınıñ artqan xäräkätenä iğtibar yünältelüen assızıqlıy.

“Vatan” gazetı “Şarlawıq turizmı” isemle yazmasında Rizädä turizm destinatsiyälärenä monnan arı şähär külämendä sannarı 100gä citkän şarlawıqlarnıñ da östälüen yaza. Gazet su tügelgän qıya taşlarında barlıqqa kilgän häm tabiği djakuzigä oxşağan keçeräk bualarğa kerep, ayazlanğan turistlarnıñ yäm-yäşel tabiğät häm manzara belän läzzätlanüen belderä.