Törek matbuğatına küzätü 08.08.2014

“Akşam” gazetınıñ iqtisad säxifäsendäge “İlbaşı bulıp saylansam, östenlegem yänä iqtisad” dip atalğan yazmasında İlbaşı namzäte häm Premyer-ministr Räcäp Tayyip Ärdoğannıñ Törkiyä palatalar häm birjalar berlegendä oyıştırılğan 7nçe Törkiyä säwdä häm sänäğät şurasında yasağan çığışında ilbaşı bulıp saylanğan oçraqta iqtisad säyäsätendä bernindi taypılunıñ bulmayaçağına basım yasawı citkerelä. Gazet Ärdoğannıñ Törkiyäneñ milli keremen 12 yılda 3 märtäbädän kübräk arttıruların häm 230 milliard dollardan 830 milliard dollardan kübräk miqdarğa citkerülären häm bu sannı 2 trillion dollarğa kübäytäçäklären äytüen yaza.

“Milliyät” gazetı ““Törek traktor”dan rekord aqça äyläneşe” isemle yazmasında Törkiyäneñ traktor eşläp çığaru tarmağınıñ iñ zur eşxanäse “Törek traktor”nıñ uzğan yılda 1 milliard 300 million törek lirası külämendä aqça äyläneşenä ireşüen xäbär itä. Yazmada “Törek traktör”nıñ ğomum mödire Marco Vottanıñ 2014nçe yılnıñ berençe yartısında isä aqça äyläneşläreneñ tözelgännän birle uzğan 60 yılnıñ rekordın quyuın äytüe assızıqlana.

“Milliyät” gazetı “Yünäleş İzmirğa borıldı” dip atalğan yazmasında İzmir säwdä palatası idarä şurası başlığı Äkräm Dämirtaşnıñ yılnıñ berençe 7 ayı axırında İzmirgä 78 säfär belän 190 meñ 28 kruiz yulçısınıñ kilüen äytüen citkerä.

“Star” gazetı “Dönyanıñ bişençe bayı “zäñgär säyäxät”kä çıqtı” isemle yazmasında 28 milliard dollarlıq şäxsi baylığı belän dönyanıñ bişençe bay keşese bularaq tanılğan Hind milliarderı Lakshmi Mittalnıñ ultra lyuks yaxtası häm ğailäse belän pänceşämbe könne Törkiyäneñ Bodrum yaqlarına kilüen yaza.

“Yäni Şafak” gazetı ““IMF Törkiyä”dä bayraq almaşuı” isemle yazmasında IMF Törkiyä bülege direktorı wazıyfasın soñğı 4 yıl alıp barğan Marl Lewisneñ wazıyfasın räsmi räweştä yaña direktor Srikant Seshadrigä tapşıruın xäbär itä.

“Sabah” gazetı “AQŞta ebola söräne iñ yuğarı däräcäsenä citte” isemle yazmasında ebola virusı arqasında Amerika Quşma Ştatlarında sörän däräcäseneñ iñ yuğarı noqtasına citkerelüen belderä. Gazet räsmilärneñ 2009nçı yıldağı qoş grippı kizüennän birle ildä berençe märtäbä sörän däräcäseneñ bu çaqlı kütärelüen açıqlawına basım yasıy. Gazet ebola epidemiyäsendä xäzergä çaqlı Könbatış Afrikada tuplam 932 keşeneñ häläq buluın belderä.

“Habärtürk” gazetı “Karabük tarix yazdı” isemle yazmasında “Kardemir Karabükspor”taqımınıñ Awrupa ligasınıñ öçençe saylap alu turında 0-0 isäbeneñ revanşında Norvegiyäle “Rosenborg” belän 1-1 isäbe belän älçegä (niçyağa) qaluın yaza. Gazet “Kardemir Karabükspor”nıñ tarixında berençe tapqır üzen kürsätkän Awrupa arenasında “play-off”qa’kütärelüen assızıqlıy.