Törek matbuğatına küzätü 25.07.2014

“Vatan”gazetı “Mäktäptä küpläp üterü”isemle xäbärendä İzrailneñ kiçä yaña küpläp üterü başqaruı turında yaza.

Gazet sıyınu üzägenä üzgärtelgän mäktäpkä İzrail tanklarınıñ höcüm itüen belderä.

Xäbärdä höcümdä küpçelege balalar distälärçä keşeneñ hälaq buluı , yözlärçä keşeneñ yaralanuı citkerelä.

“Sabah”gazetı “Fälästinle 72 meñ bala travma kiçerä” isemle xäbärendä İzrailneñ küpläp üterülärendä yaralanuçılarnıñ öçtän ikeseneñ balalar buluına iğitibarnı cälep itüçe Xalıqara balalar xoquqları oyışmasınıñ meñnärçä balanıñ psixologik yärdämgä moxtac buluı turında belderüen citkerä.

“Yäni Şafak”gazetı “İzrail älbättä xökemgä tartılaçaq” isemle xäbärendä Törkiyä premyer-ministrı Räcäp Tayyip Ärdoğannıñ İzrail bu räweşle däwam ittergän oçraqta anıñ xalıqara mäxkämälärdä xökem iteläçäge turında äytüen belderä.

“Akşam”gazetı İstanbul birjası 14 aynıñ iñ yuğarı noqtasında” isemle xäbärendä İstanbul birjası 100 indeksınıñ kiçä könne 1.17% artış belän sonğı 14 aynıñ iñ yuğarı noqtasında tögälläwen xäbär itä.

“Star”gazetı iqtisad säxifäsendä urın alğan “Öç banktan 3 milliard 700 million saf tabıış” isemle xäbärendä Törkiyä banklarınıñ 2014 nçe yılnıñ berençe yartıyıllığı belän bäyle kürsätkeçlärne açıqlıy başlawları turında yaza.

Gazet xäzerge waqıtqa qadär 6 aylıq kürsätkeçlären açıqlağan öç banktan öçeseneñ dä tabış aluın häm älege öç banknıñ tuplam saf tabışınıñ 3 milliard 700 million törek lirası buluın belderä.

“Sabah”gazetı “Turist sanı arta” isemle xäbärendä ağımdağı yılnıñ iyün ayında Törkiyägä kilgän turist sanınıñ uzğan yılnıñ şul uq çorı belän çağıştırğanda 6,41%qa artıp,4 million 335 meñ 75 keşe täşkil itüen citkerä.

“Milliyät” gazetı “İnglizlär törek kuxnyası belän qızıqsına” isemle xäbärendä ber internet aşa satıp alu saytınıñ tikşerenülärenä kürä , inglizlärneñ tağın da kübräk törek rizıqları produktsiyäsen satıp aluların uquçıları belän urtaqlaşa.

“Xörriyät” gazetı “İke köndä ike rekord” isemle xäbärendä professional irekle vodolaz Şahika Ärcümänneñ işkäk ayaqsız çumu kategoriyäsendä 91 metr tiränlekkä çumıp dönya rekordı quyuı turında yaza. 

Gazet Ärcümänneñ kiça işkäk ayaqsız bawlı irekle çumuda 72 metrğa çumıp tağın ber rekord quyuın citkerä.